A Canty Sang - Robert Gilfillan, Reg. ODMVLQBK скачать в хорошем качестве

A Canty Sang - Robert Gilfillan, Reg. ODMVLQBK

A Canty Sang - Robert Gilfillan A canty sang, O, a canty sang, Will naebody gi'e us a canty sang? There's naething keeps nights frae turning owre lang Like a canty sang, like a canty sang. If folk wad but sing when they're gaun to flyte, Less envy ye'd see, less anger and spite; What saftens doun strife, and mak's love mair strang, Like a canty sang, like a canty sang? Like a canty sang, O, a canty sang, Will naebody gi'e us a canty sang? There's naething keeps nights frae turning owre lang Like a canty sang, like a canty sang. If lads wad but sing when they gang to woo, They'd come na aye hame wi' thoum i' their mou'; The chiel that wi' lasses wad be fu' thrang, Suld learn to lilt to them a canty sang. A canty sang, O, a canty sang, Will naebody gi'e us a canty sang? There's naething keeps nights frae turning owre lang Like a canty sang, like a canty sang. When fools become quarrelsome ower their ale, I'se gi'e ye a cure whilk never will fail,— When their tongues get short an' their arms get lang, Aye drown the din wi' a canty sang! A canty sang, O, a canty sang, Will naebody gi'e us a canty sang? There's naething keeps nights frae turning owre lang Like a canty sang, like a canty sang. I downa bide strife, though fond o' a spree, Your sair wordy bodies are no for me: A wee dribble punch, gif it just be strang, Is a' my delight, an' a canty sang! A canty sang, O, a canty sang, Will naebody gi'e us a canty sang? There's naething keeps nights frae turning ower lang Like a canty sang, like a canty sang. #Robertgilfillan