Umuhango wo Guhemba ukorwa ute mu Kinyarwanda? скачать в хорошем качестве

Umuhango wo Guhemba ukorwa ute mu Kinyarwanda?

UMUHANGO WO GUHEMBA ABABYEYI BIBARUTSE NI MUKURU MU MUCO W'U RWANDA NA KAMA MURI RUSANGE,Wkorwaga ute kandi ubu ni gute wahemba uwawe wabyaye, wakwitwaza ibiki byangombwa kandi wabitongera ute ngo ube usohoje neza uwo muhango twasigiwe n'Abakuru n'Abakurambere....? Ibi nibyo tugiye kwigira mu Bicumbi mu KIGO NYARWANDA CY'UBUZIMA BUSHINGIYE KU MUCO kwa Nyagasani #ImandwaNkuru y'u Rwanda Muganga RUTANGARWAMABOKO, Rudateteba ku Rugamba, mu Muhango wo Guhemba wakozwe n'Ababyeyi be, Imfura zo mu Bibungo bya Mukinga. Aba bakaba Abarame b'Inkikabahizi cyane, #Abatangamaboko b'#Ababanda b'#Abadogo. Baje mu Bicumbi kuwa 25 Gicurasi 2025 barangajwe imbere na se wa Muganga Rutangarwamaboko, Se w'#Abarame, MUNYABARAME, Ako bagaya mu muheto kabarusha gufora, umugabo udakunda kurandagatana ariko wamurandaho akakurandura. Uyu akaba imfura ya #Nkikabahizi, Bizigira by'Impfizi, Munyinya baharamba ntuzabahande, Rwego rw'Inkindi, urwo bateraho inzego bakuririraho nawe akaba imfura ya Nyagasani Imandwa Nkuru y'u Rwanda Ngayumujinya RUTANGARWAMABOKO Sekuruza wa Muganga Rutangarwamaboko Nyagasani Imandwa Nkuru y'u Rwanda iri mu ruharo, Rudateteba ku Rugamba ngo rutetereze izo rutwaye, Nyiri ingara z'Iminyinya urwo #Amasunzu yisanzuye ku mutwe kuba isanzure ngo rutwikire rubanda uruhayi rw'uruzuba. Muri uyu Muhango Umusangwa Mukuru kwa Muganga Rutangarwamaboko yari Ingabo yacyuye itabaro, muzo amarere, Inkotanyi cyane, Col. RUZAHAZA, RTD, rwa Nyiridandi ya Nzaramba ba Bisangwa bya Rugombituri, umugaba mukuru w'#Ingangurarugo, bakaba abanywanyi na Nyagasani Imandwa Nkuru y'u Rwanda Rutangarwamaboko Ngayumujinya Sekuruza wa Muganga Rutangarwamaboko, Rudateteba ku rugamba. Muri uyu Muhango kandi si ababyeyi ba Muganga Rutangarwamaboko baje ku bahemba gusa kuko wabaye umunsi w'#Uruhembo rw'Impurirane aho banahembwe n'Umuzimyamuriro Nshuti ku Gisozi cya Nyagasani Umwami wacu Cyilima II Rujugira, uyu Nshuti akaba ari na Shebuja wa Muganga Rutangarwamaboko kuko yamugabiye inka y'icyakiro akigera kuri cya Gisozi. Ni umuhango wari wacyerewe n'inshuti n'imiryango ndetse n'Abazimyamuriro bo mu Bicumbi ku Gisozi. Nawe Umusangizajambo wayoboye uyu muhango ukaba n'iki kigisho ni Umusizi TUYISENGE akaba Icumu ry'Ubucunzi rizira gucuka abacuzi bacuze, umuheto we si uwa vuba ni ubukombe. Cyo nimukinje akabero ku muce mu kirambi cyo mu Bicumbi mute akame maze twigire ku ngongo, imfura zo mu Bibungo, uko bakoze Umuhango wo Gucyeza no Guhemba Muganga Rutangarwamaboko n'Injishi ye #Umuziranenge kubwa #Rwezangoro RUTANGARWAMABOKO, #Ubuheture baherutse kwibaruka kuwa 27 Mutarama 2025. Umuhango wo Gusohora umwana, kurya ubunnyano no kumwita izina nawo ukaba wari uherutse kubera mu Bicumbi kuwa 03 Gashyantare 2025. Muhonoke Benimana Twige kandi TUMENYE TUBEHO #UbuzimaBushingiyeKuMuco. #Nyagasani #ImandwaNkuru y'u #Rwanda #MugangaRutangarwamaboko, #UmupfumuMukuruMuBicumbi, #Umushakashatsi, #Umwigisha w'#UbuzimaBushingiyeKuMuco, Inzobere mubyo #Umuco, #Amateka, #Imbonezabitekerezo (Filozofiya), #UmwimererePhilosophy yatangije n'#Ubuzima bwa Muntu Bushingiye ku #Imyizerere, #Imyumvire, #Imitekerereze, #Imyitwarire ndetse n'#Imigirire. Umuyobozi Mukuru w'#IkigoNyarwandaCyUbuzimaBushingiyeKuMuco: Tel:+250788514177/+250725520312, Whatsapp1:+250788514177 Whatsapp2:+250733090143. Kigali, GISOZI, KG 774 Street.