Юрій Яцина | Голосы Русинів Підкарпатя скачать в хорошем качестве

Юрій Яцина | Голосы Русинів Підкарпатя

Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами. Ведучый проґраму Юрій Шипович. Контактуйте редактора на jurij@lem.fm Дуже ня тішыть, коли Карпаторусины, котры зробили блискучу карьєру і доказали світу, же суть на штось валушны, не одвернули ся од свого народа. Такы люде честують Україну як їй гражданы, але они гордять ся тым, же тече в них русиньска кров. Такы Руснакы часто лишають штось по собі у плані наукы і културы, і трафлять ся, же то баданя біоґрафій другых великых Карпаторусинів, котры жыли перед нима. І такы роботы уже в своїм шорі впливають на саму історію. Прикладом може послужыти двотомна (але у трьох книжках) Документарна історія шпыталю імени Андрія Новака в Ужгороді од Йосифа Турака і Юрія Яцины. Сам Юрій Юрійовіч є директором Закарпатьского областного клінічного шпыталю імени Андрія Новака, но не позераючі на занятость много років присятив вєдно з уйком Йосифом написаню той ґіґантічной роботы. «Історія має быти правдивов,» не раз повторять Юрій Юрійовіч. Першый том книжкы присяченый докторови, многорічному директорови ужгородьского шпыталю, патріархови медицины на Підкарпатю – Андрійови Новакови, котрый рядив шпыталь 54 років – од 1874-го до 1928-го. Єдночасно у 1890-ім році він основав Ужгородьску акушерьску школу, де каждый рік приготовльовали до 60 квалітных акушерів. Андрій Новак занимав ся і просвітницьков діятельностьов. Зато про історію ужгородьского шпыталю, про ґеніалных докторів минувшины, але і цілково про історію края розповість нам директор Закарпатьского областного клінічного шпыталю імени Андрія Новака Юрій Юрійовіч Яцина. Крутило ся нажыво 16-го юла 2025. Слухайте нажыво на https://lem.fm/ Gorlice 106,6 MHz, Polkowice 103,8 MHz Слідуйте нас на соціалных сітьох:   / lem.fm     / lem.fm_radio   Zrealizowano dzięki dotacji Ministra Spraw Wewnętrznych i Administracji. © Stowarzyszenie „Ruska Bursa” w Gorlicach