«І.Жансүгіров және Қызылорда кезеңі» көшпелі көрмесі Сыр елінде скачать в хорошем качестве

«І.Жансүгіров және Қызылорда кезеңі» көшпелі көрмесі Сыр елінде

#qyzylordatv Облыстық тарихи-өлкетану музейінде «Ілияс Жансүгіров және Қызылорда кезеңі» атты көшпелі көрме өтіп жатыр. Талдықорған қаласындағы әдеби музейінің қоры негізінде ұйымдастырылған көрмеге ақтаңгер ақынның сирек қолжазбалары мен архивтік құжаттары қойылған. «Қазақ поэзиясының Құлагері» атанған қазақ әдебиетінің ақтаңгер ақыны Ілияс Жансүгіров 1894 жылы дүниеге келген. Ауыл мектебінде жәдитше сауат ашқан ол 1921 жылы Ташкенттегі екі жылдық мұғалімдік курсты бітіріп, өз ауылында мұғалім болады. Кейінірек «Тілші» газетінде жұмыс істеп, содан соң Алматы қаласындағы Қазақ ағарту институтының меңгерушісі қызметін атқарады. Мәскеудегі Коммунистік журналистика институтын бітірген Ілияс Жансүгірұлы Қызылордада тұрақты қызметке газетке алынады. НҰРГҮЛ ЖАУЫНБАЕВА – ТАЛДЫҚОРҒАН ҚАЛАСЫНДАҒЫ І.ЖАНСҮГІРОВ ӘДЕБИ МУЗЕЙІНІҢ МЕҢГЕРУШІСІ //І. Жансүгіров ең бірінші қазақтан шыққан тұңғыш журналист. Себебі, 27-ші жылы Мәскеу қаласын бітіріп келіп, Қызылорда қаласында өз жұмысын бастаған болатын. Яғни, «Еңбекші қазақ» газетінде жұмысын бастайды. Сол кезеңде Ілияс Жансүгіровтің журналист ретінде толық қалыптасқан кезеңі және әдеби ортаға танылып, көптеген болашақ ірі поэмаларына жол ашқан уақыты деп білеміз. Бүгін біз сол тарихи кезеңді қайта жаңғыртып, Талқықорған қаласынан Ілияс Жансүгіровке байланысты көптеген жәдігерлерді әкеліп отырмыз.// Ілияс 1927-1938 жылдары поэзия, проза, драматургия, сын, аударма саласында туындылар жазып, артына мол әдеби мұра қалдырды. Әсіресе, «Құлагер» поэмасының шоқтығы биік. Ақынның тағдыры да өзі жырлаған сәйгүліктің өміріндей орта жолдан үзілген. «Халық жауы» деген желеумен репрессия құрбаны болып, жазықсыз атылып кеткені ақиқат. ДӘУЛЕТ САҒИТ – ТІЛШІ //Эпик ақын әдебиеттің сан түрлі жанрында көсіле қалам тербеді. Бір ғана бізге мәлім поэмаларының саны 20-ға жуықтайды. Күрделі жанрда бұлай өндіре жазған тұлға қазақ әдебиетінде кем де кем, Сондықтан да болса керек, көрнекті жазушы Мұхтар Әуезов «Абайдан кейін поэзиясы аса биік сөз сергері» деп баға береді.// Қазақ елінің астанасы болған тарихи шаһарда қызмет атқарған жылдары ақынның шығармашылық тұрғыдан кемелденіп, қоғамдық-саяси өмірге белсене араласқан шағы ретінде айрықша мәнге ие. Сол кезеңдегі әдеби орта, шығармашылық ізденістер мен рухани серпіліс көрме мазмұнында кеңінен көрініс тапқан. Көшпелі көрмеге жиналғандар ақынның өмірі және шығармашылығымен танысып, рухани әсер алды. АЙМАН АЙТБАЕВА – ФИЛОЛОГИЯ ҒЫЛЫМДАРЫНЫҢ КАНДИДАТЫ //Көрмеде Ілияс Жансүгіровке арналған экспонаттардың, қолданған ыдыстарының, Бейімбет Майлинменен хат алысқан жазбалары, түрлі архив материалдарының болуы бұл студенттердің сөзбен істегеннен көрі көзбен көргені көрікті. Қызылорда астана болған жылдары Жансүгіровтің шығармашылық қабілетінің өсуіне және эпикалық жанрдың дамуына және тіл байлығын дамытудағы ізденістерінің ашылған кезеңі болды. Сонымен қатар, оның тұлға болып қалыптасуына біздің Қызылорданың рөлі ерекше.// САПАР КӨЗЕЙБАЕВ – ОБЛЫСТЫҚ ТАРИХИ-ӨЛКЕТАНУ МУЗЕЙІНІҢ ДИРЕКТОРЫ //Қазір музейімізге республиканың түкпір-түкпірінен көптеген музей қорлары келіп, әріптестік байланыс орнатып жатыр. Енді тек тақырыптық көрмелер ғана емес, соның арасында музейлердің қызметкерлері арасында ғылыми байланыс ортанып жатырмыз. Бұл көшпелі көрме тек облыстық тарихи-өлкетану музейінде ғана өтпейді, барлық ауданда ашылған Руханият орталықтарында да ұйымдастырылмақ.// Ал көшпелі көрме 27-ші ақпанға дейін жалғасады. Сайт - https://qyzylordatv.kz/ru/live Facebook -   / qyzylordatv   Instagram -   / qyzylordatv   Telegram - https://t.me/qyzylorda_tv Tiktok -  / qyzylorda_tv