Таңғы зікірлер Таңғы дұғалар Утренное поминания Аллаха Morning zikr Алланы еске алу скачать в хорошем качестве

Таңғы зікірлер Таңғы дұғалар Утренное поминания Аллаха Morning zikr Алланы еске алу

Бір тақуа кісі айтқан екен: «Алланың атымен ант етейін, мен, Раббымның мені қашан есіне алатынын білемін!» Сонда одан сұрапты: «Ия, Раббың қашан сені есіне алады екен?» Ол болса:«Мен оны, есіме алған кезде»,- деп жауап беріпті. Себебі, Алла Тағала былай деп айтқан емес пе еді:«Мені еске алыңдар, Мен де сендерді еске аламын»(Әл-Бақара, 152-аят).Таңғы және кешкі зікірлерді айтудың осы дүниедегі сауабы Шариғат заңдастырған Алланы еске алу сөздері – ол Алла Елшісінен (с.ғ.с.) келіп жеткен зікір сөздері, мысалы, «субхананаЛлаһ», «әлхамдулиЛлаһ», «лә иләһә иллә Ллаһ», «Аллаһу акбар», «Астағфиру Ллаһ», «Лә хаулә уәлә қууата иллә би Ллаһ» сияқты т.б. сөздер. Егер де сен, өзіңнің мұнафық не шынайы момын мұсылман екеніңді білгің келсе, онда өзіңе: «Мен Алланы әрдайым еске аламын ба? Мен адамдар арасында болғанда, Алланы еске аламын ба? Мен базарға шыққан кезімде, көлікте, ұшақта Алланы еске аламын ба?»- деп сұрақ қой. Күнделікті таңғы және кешкі зікірлерді айтудың осы дүниедегі сауабы мен ахиреттегі тигізер пайдасы зор: Барлық істегі береке (уақыт, мал-дүние, бала-шаға) және жақсылық есіктерінің ашылуы; Таңғы дәне кешкі зікірлер жаманшылықтан, бәле-жаладан, нәпсінің азғыруынан, адам тамырымен жүгіретін шайтанның уасуасынан сақтайды; Зікірлер күндіз де, түнде де күш-қуаттың, берекенің, хайрдың көбеюіне әсерін тигізеді, мұсылманның өмірі жеңілдеуіне ықпал етеді; Әрдайым зікір етіп жүрген адам Раббысына деген мұқтаждығын, Алланың алдында кедей, пақыр екендігін түсінеді, яғни басына қандай да қиыншылық түскен жағдайда, барлық пәле-жаладан сақтану үшін Алланы зікір ету арқылы жүрегіне тыныштық орнағанын сезеді; Зікірлер құлдың тақуалығын, рухының күштілігін, тән мен жан рахаттарын (үйлесімділігін) арттыратын бірден-бір құрал; Таңғы-кешкі зікірлерді айтып жүру Алланың көзге көрінген/ көрінбеген нығметтерін түсінуге, сол нығметтер үшін одан сайын шүкір етуді арттыратын амал болып табылады, даналық көзі ашылған сайын адамның Аллаға деген байланысы, тақуалығы күшейе түседі; Бүкіл денесінің саулығына септігін тигізеді, себебі жүректің саулығына зікірдің қосар үлесі өте көп. Оған дәлел ретінде Пайғамбарымыз Мұхаммедтің (оған Алланың салауаты мен сәлемі болсын): «Денеде бір жапырақ ет бар. Егер сол түзелсе, бүкіл дене түзеледі. Ал бұзылса, бүкіл дене бұзылады. Ол бір жапырақ ет – жүрек» деген хадисінде үлкен мән жатыр; Мұсылман адамның өмірін ұзақ әрі берекелі етеді; Алланы еске алудың керемет пайдалы тұстарының тағы бірі, екіжүзділіктің (мұнафиқ) жоқтығын көрсетеді. Себебі екіжүзді мұнафиқ, Алланы тым өте аз еске алады. Өйткені сендер, мұнафиқтың базарда, көлікте, ұшақта және мешітте Алла Тағаланы еске алып жатқандығын көрмейсіңдер... Бұны тек нағыз момын мұсылман ғана жасайды; Пенде мен Алла Тағаланың арасындағы байланысты күшейтеді; Ғұмыр-жасты ұзартады; Пендені Алла Тағалаға көркем түрде итағат етуге жетелейді; Аллаға қарсы келу мен күналардан, балағат сөздер мен ғайбаттан сақтайды; Жүзеге асырған күнасы үшін ойланып, Алланың алдында тәубе етуге және жасаған қылығы үшін өкінуге, жалпы жүректің Аллаға қайтуын мәжбүрлейді; Кейбір жақсы істермен теңесіп, тіпті кейде асып та түседі; Алланы еске алудың берер пайдаларының ең абзалы пенде Рабысын еске алғанда, Алла Тағаланың да оны еске алуы.