Tv Klan - Irani refuzon thirrjen e SHBA-ve për dorëzim скачать в хорошем качестве

Tv Klan - Irani refuzon thirrjen e SHBA-ve për dorëzim

Presidenti iranian Masud Pezeshkian refuzoi thirrjen e Donald Trumpit që vendi i tij të dorëzohet: “Armiqtë tanë duhet t’i marrin me vete në varre ëndrrat e tyre për dorëzim pa kushte të popullit iranian.” Në një fjalim në televizionin shtetëror, Pezeshkian kërkoi publikisht falje për sulmet e Iranit ndaj vendeve të Lindjes së Mesme, duke shtuar se në shënjestër ishin bazat amerikane. “Më duhet t’u kërkoj në emrin tim e në emër të Iranit falje vendeve fqinje që u sulmuan. Ramë dakord dje që të mos ketë më sulme ndaj fqinjëve dhe të mos lëshohen më raketa nëse nuk sulmohemi prej tyre.” Presidenti iranian tha se është lejuar lundrimi i anijeve në ngushticën e Hormuzit, por do të goditen mjete lundruese të SHBA-ve dhe të Izraelit. Por aeroporti i Dubait u godit sërish nga dronet iraniane. Presidenti amerikan Donald Trump e cilësoi Iranin si një nga humbësit më të mëdhenj në Lindjen e Mesme dhe që do të shkatërrohen plotësisht. Ai shtoi se lufta është “një shërbim që SHBA po i ofron jo Lindjes së Mesme, por botës.” “Po ecim shumë mirë në Iran. Rezultati ka qenë mahnitës. Kemi nxjerrë jashtë loje 42 anije të Marinës, disa prej tyre shumë të mëdha, brenda tre ditëve. Ky ishte fundi i Marinës së tyre. Asgjësuam Forcat e tyre Ajrore. Shkatërruam komunikimet dhe të gjitha telekomunikimet kanë rënë. Nuk e di si komunikojnë, por supozoj se do ta gjejnë një mënyrë,” tha Trump. Po ashtu, Shefi i Shtëpisë së Bardhë theksoi edhe një herë se sulmet nuk do të ndalojnë derisa Irani të dorëzohet pa kushte. Në ditën e 8-të të sulmeve amerikano–izraelite, bombardimet shkaktuan shtëllunga të mëdha tymi në aeroportin ndërkombëtar të Teheranit, një prej më të ngarkuarve të vendit. Sulmet nuk ndalojnë edhe brenda kryeqytetit iranian. Në kundërpërgjigje, iranianët lëshuan raketa drejt Izraelit, duke aktivizuar sirenat e alarmit në Tel Aviv. Sulmet izraelite kundër Hezbollahut, aleat të Iranit, vazhduan edhe në periferitë jugore të Bejrutit. Në Iran, numri i viktimave ka arritur në 1 mijë e 332, ndërsa në Liban mbi 220. Aeroporti i Dubait në Emiratet e Bashkuara, por edhe në vende të tjera të rajonit, nisën rikthimin gradual të fluturimeve pas vendimit të Teheranit për të mos sulmuar më rajonin. Tv Klan SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/