Klan News - Europa në kërkim të punonjësve shëndetësor скачать в хорошем качестве

Klan News - Europa në kërkim të punonjësve shëndetësor

Profesioni i infermierit po bëhet gjithnjë e më pak i preferuar në Bashkimin Europian, duke rrezikuar mbulimin e sistemit shëndetësor në vendet e Europës. Sipas një raporti të OBSH-së, në Europë ka 7.2 milionë infermierë. Por deri në vitin 2030, brenda 4 viteve, kontinentit më të vjetër në botë do t’i mungojnë 1 milion punonjës të shërbimit shëndetësor. Ndërsa Shqipëria, për sa i përket infermierëve, konsiderohet një vend që ka një numër të konsiderueshëm punonjësish në këtë fushë, megjithatë ka ende mungesa në zonat e thella. Ajo që është më shqetësuese është fakti se gjatë një viti rreth 800 infermierë kërkojnë vërtetime për t’u larguar jashtë vendit. Aktualisht, në sistemin shëndetësor shqiptar janë 27 mijë e 500 infermierë, ose 545 infermierë për 100 mijë banorë, shumë poshtë mesatares së vendeve të BE-së, që është 931 për 100 mijë banorë. E teksa çdo vit afro 1 mijë persona punësohen përmes portalit “Infermierë për Shqipërinë”, 80 për qind e tyre duan të largohen jashtë vendit për një pagë më të mirë. Vetë shtetet e BE-së, për plotësimin e vakuumeve në sistemin e tyre shëndetësor, i kanë hedhur sytë te vendet e tjera, duke përfshirë edhe Ballkanin. Burime për Tv Klan bëjnë me dije se vetëm vitin e kaluar janë kërkuar 866 vërtetime për t’u larguar jashtë vendit. Aktualisht, nevojat në Shqipëri mbeten më të larta në zonat e thella malore të Shkodrës, Elbasanit dhe Vlorës. Sipas OBSH-së, infermierët përbëjnë 56% të punonjësve të sistemit shëndetësor dhe kjo lëvizje e tyre do të sjellë rreziqe për pacientët, si edhe më shumë stres mes stafit shëndetësor. Për këtë arsye, OBSH ka hartuar dokumentin e parë për rajonin europian, duke u bazuar te siguria dhe mbështetja financiare, për të rritur numrin e tyre në shëndetësi. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan