أثناء إدلائهم بآرائهم على مسيرة الصحافي بول ابو حيدر تكررت على السنهم عبارة وبطريقة عفوية скачать в хорошем качестве

أثناء إدلائهم بآرائهم على مسيرة الصحافي بول ابو حيدر تكررت على السنهم عبارة وبطريقة عفوية

أثناء إدلائهم بآرائهم على مسيرة الصحافي بول ابو حيدر تكررت على السنهم عبارة وبطريقة عفوية تنمٌ عن مدى محبتهم وتقديرهم لعمله" بول عنوان الوفا " .مهرجان… قالوا إنو عيد ميلاد، فصار “عيد الوفاء” لبول أبو حيدر ما بعرف من وين بلّش… من الفرح؟ أو من الدمع اللي نزل من كتر الفرح؟ أنتم سميتوه “عيد الوفا”… مش أنا. لأنو بالمقابلات اللي صارت مع الفنانين وكل الحاضرين، كانت كلمة “الوفاء” القاسم المشترك. “بول الوفي”… “بول المخلص”… “بول اللي ما بيتغيّر”… أغلبية الفنانين، سمّوني “الوفي”، ومن محبتكن طلعت التسمية: عيد ميلاد الوفاء لبول أبو حيدر. وهيدا وسام على صدري ما بينشال. بالبداية، كل الشكر والتقدير للشيخ سالم عكّاري، الصديق والأخ منذ أكثر من عشرين سنة، يلي فتحلي قلبه قبل المكان واحتضن المناسبة بمحبة صادقة. وشكر خاص لمدير مرام، الصديق وسام حرفوش، على التنظيم الراقي والاهتمام بأدق التفاصيل. الشكر الكبير للأخ… التوأم الروحي متل ما بسميه دايمًا بالإعلام “غي أسود”، يلي قدّم الحفل بمحبة وحرفية عالية وخلى الليلة تنبض حياة. شكر لكل قنصل ولكل النقباء، الفنانين، الممثلين، الإعلاميين، المذيعين والمذيعات، المخرجين، رجال الأعمال، وكل شخصية لبّت الدعوة وكانت جزء من هالمهرجان الحقيقي. شكر من القلب لمختار جديدة جورج نصور على دعمه الدائم ومحبتو الصادقة. وشكر كبير لـ Mon Délice على قالب الحلوى الطيب واللفتة الحلوة. أما عن ضيافة مرام… فالإبداع كان سيّد الموقف. أكل شهي ومتقن، مازة متنوّعة، أطباق فاخرة، خدمة سريعة بابتسامة صادقة، لوكيشن راقٍ، وتنظيم يليق باسم مهرجان. كل التفاصيل كانت مدروسة… وكل شي أجادوا فيه بامتياز. وجودكن فرّحني وبكاني بنفس الوقت. بكاني فرح. لأنو كل كلمة انحكت عنّي، عن وفائي لمسيرتكن الفنية، عن وقوفي حدكن سنين طويلة… وصلت لقلبي مباشرة. اللي صار ما كان مجرد عيد ميلاد… كان شهادة محبة علنية. كان عرس وفا. وكان لحظة حسّيت فيها إنو تعبي وإخلاصي ما راحوا سدى. إذا حمل العيد اسم الوفاء… فأنتم أصحاب التسمية، وأنتم السبب. أنا بحبكن كلكن… من دون استثناء 🤍