Көлдің ортасынан балықшыны алып шықпақ болған құтқарушы қаза тапты скачать в хорошем качестве

Көлдің ортасынан балықшыны алып шықпақ болған құтқарушы қаза тапты

Жетісу облысында қызмет барысында құтқарушы қаза тапты. Дамир Таранов көлдің ортасынан балықшыны алып шықпақ болған. Бірақ мұз жарылып, азаматтық қорғау майоры да суға батып кетті. Екі бірдей адам көз жұмған қайғылы жағдай Алтынкөлде болған. Тұрғындар балық аулап отырған сәтте мұз ойылып, бір адам ағып кетеді. Көмекке дереу құтқарушылар жеткен. Өкінішке қарай, төтеншеліктер тұрған жердің де мұзы жарылып, 31 жастағы Дамир Таранов суда қалып қояды. Оны алып шыққанымен сол жерде қайтыс болған. Төтенше жағдайлар департаментінің мәліметінше, көз жұмған қызметкер азаматтық қорғау саласында 14 жыл еңбек еткен. Марқұмның артында жұбайы мен екі баласы қалды. Құзырлы органдар аталған факті бойынша тексеріс жұмыстарын бастады. КЕГЕН ТҰРСЫНБАЕВ, ҚР Төтенше жағдайлар министрінің орынбасары: Өкінішке қарай құтқарушымыз қызметтік міндетін атқару барысында қаза тапты. Өйткені қазір көктем, мұз еріп жатыр. Балықшы ескертуді тыңдамай барған екен. Құтқарушымыз мұз жарылып суға кетті. Біз оны судан шығарғанша қайтыс болды. Министрлік тарапынан оның отбасына тиісті көмек көрсетіліп жатыр. #Информбюро #31арна #БастыЖаңалықтар #Новости #31канал