Протест на жителите на Лопате – не дозволуваат камиони на приватна фирма да им го уништува патот скачать в хорошем качестве

Протест на жителите на Лопате – не дозволуваат камиони на приватна фирма да им го уништува патот

Жителите на Лопате денеска го блокираа влезот на селото и не дозволија да поминуваат камиони на приватна фирма која гради фотоволтаици, бидејќи им го уништува патот. Тие бараат фирмата да најде друг пристап до градилиштето, или да се договори со месната заедница по завршувањето на работата да го поправи патот и да го доведе во првобитна положба. Истовремено ја повикуваат Општина Куманово да им помогне во решање на проблемот. Претседателот на месната заедница Лопате, Бејтула Тефику, вели дека жителите се одлучиле на ваков чекор затоа што патот е доста лоша состојба, а тешките камиони дополнително го оштетиле, поради што е доведено во прашање безбедноста на фекалната канализација и сообраќајот во селото.  „Се договоривме од први јули патот да биде блокиран патот за оние фирми кои поставуваат панели за производство на електрична енергија во атарот на селото Лопате. Ги известивме сите фирми кои се вклучени во оваа работа и МВР. Затоа денеска излеговме, и понатаму патот ќе биде блокиран за нив. Ние не ги попречуваме да работата, ама не може да се движат со големи камиони низ селото. Имаме само едно барање да го поправат патот каде што има асфалт, за селскиот пат што е со тампон немаме забелешки. Патот е со должина од 4-5 километри, а треба да се поправи околу 2 километри “, вели Тефику. Месната заедница на 24 јуни одржала состанок со жителите,  при што сите биле едногласни во одлуката да се блокира патот. „Ова што се прави во селото е срамота. Ние со крв го изградевме овој пат, носевме песок да го направиме, потоа издејствуваме и асфалт. Гледате ли колку е патот пропаднат, вода лежи на него, а погоре е целосно уништен. Кој му даде дозвола тука да гради. Најубавата земја од која градот се хранеше сега е уништена“, вели  Миодраг Крстевски (75) од Лопате. Жителите велат дека нема да отстапат од своите барања до целосно решавање на проблемот.