ॐ नमः शिवाय ।। तरणोपाय | पंत महाराज बाळेकुंद्री भजन | दत्त प्रेमलहरी पद १७५ | pad 175 скачать в хорошем качестве

ॐ नमः शिवाय ।। तरणोपाय | पंत महाराज बाळेकुंद्री भजन | दत्त प्रेमलहरी पद १७५ | pad 175

ॐ नमः शिवाय ।। तरणोपाय ।। तारक मंत्र गुरु चा ।। धृ० ।। नश्वर स्थूळ प्रपंच अवघा ।। नकळत अंतक खाय ।।१।। मनमात्रादि बंधन साधन ।। भुलणे त्यासी अपाय ।। २ ।। शिव जीव भेद मायाकल्पित ।। शोधि त्वरित निजठाय ।। ३ ।। वाङ्मनातीत स्वरूप तुझें । ध्याता ध्यान न ध्येय ।। ४ ।। एकपणेंवीण एक परात्पर ।। दत्त गुरुगुण गाय ।। ५ ।। ***************************** ॐ नमः शिवाय हाअवधूत मार्गातील गुरूने दिलेला सहा अक्षरांचा प्रधान मंत्र आहे. हा मंत्र म्हणजे सप्तकोटी मंत्रांची जननीच आहे. ही मंत्रशक्तीच गुरू शिष्यास प्रदान करतात. संसार-सागर तरून जाण्याचा हा श्रेष्ठ उपाय सांगितला आहे. हा मंत्र जीवाचा उद्धार करून आत्मप्राप्ति करून देतो. तर या मंत्राचा जप करणे आवश्यक आहे ।।धृ. ।। हा दिसणारा सर्व दृष्य संसार, जग हे जड व नाश पावणारे आहे. काळ याला व आपल्या देहाला न कळत गिळंकृत करतो. त्याचे संहार कृत्य चालूच आहे ||१ || मन व मनाच्या मात्रा म्हणजे शब्द, स्पर्श, रूप, रस व गंध है पंच विषय; कर्ण, त्वचा, डोळे, जीभ व नाक हे पंचज्ञानेंद्रियेद्वारे उपभोगिले जातात. वासना उत्पन्न होऊन, मन हे पंचविषय जीवाला भोग भोगण्याच्या बंधनांत अडकविते. मनच भवबंधास कारणीभूत आहे. मन व त्याचे पंचविषय हे सदाभोग वासनेत अडकलेली असतात. हे परमार्थ साधनेत अडथळा उत्पन्न करतात. त्यामुळे ईश्वर प्राप्तीची साधना होत नाही. तर यांच्या बंधनातून सुटका करून घेतली पाहिजे. वासनेमुळेच जीव जन्ममरणाच्या फेऱ्यांत पडतो. विषयभोग हे क्षणिक सुख देणारे आहेत. त्याला भुलणे अगर मोहांत अडकणे बंधनच आहे. ही गोष्ट जन्ममरणरूपी संकट आणणारी दुःख देणारी आहे ।। २ ।। आत्मा व जीव भिन्न आहेत. असा भेद मानणे हाच मायाकल्पित खोटा भ्रम आहे. वास्तविक विचार केला असता, आत्मा (शिव) व जीव एकरूपच आहेत. तेव्हा तू वेळ न दवडता लवकर आपले आत्मठिकाण त्याचा शोध लाव ।। ३ ।। तुझे स्वरूप परा, पश्यंति, मध्यमा, व वैखरी या चारी वाचा व मन यापलीकडचे आहे. त्या ठिकाणी ध्यान करणारा ध्याता, ध्यानाची क्रिया ते ध्यान व ज्याचे ध्यान करा व याचे ते ध्येय (ब्रह्मा) ही त्रिपुटी स्वस्वरूपी नाही. सर्वत्रच आत्मा एकटाच संचला आहे. तेथे द्वैताचा शिरकाव होऊच शकत नाही ।।४।। एकपणाविरहित असे व परावाणीच्या पलीकडील (स्फुरणाच्या पलीकडील) दत्तस्वरूप आहे. त्या दत्तगुरूचे मी गुण गातो. त्याची स्तुती स्तोत्रे भजन रूपाने म्हणतो. ।।५।। ***************************** हार्मोनियम व गायक : प्रदीप पाटील, कोगे साथ : कोगेकर भजनी मंडळ #भजन #bhajan #दत्तभजन #पंतमहाराजभजन #पंतमहाराजबाळेकुंद्री #pantmaharajbalekundri