NATIONAL ARTS MONTH FIELD DEMO 2025-2026 скачать в хорошем качестве

NATIONAL ARTS MONTH FIELD DEMO 2025-2026

Ang pangwakas na palatuntunan ng National Arts Month 2026 na may temang “Ani ng Sining: Katotohanan at Giting” ay isinagawa kahapon, ika-25 ng Pebrero, na nagbigay-diin sa kahalagahan ng sining, kultura, at talento ng mga mag-aaral. Tampok sa pagdiriwang ang makukulay at makahulugang sayaw na kumakatawan sa iba’t ibang tradisyon at pista sa Pilipinas. Ipinamalas ng LWID at LWVI ang masiglang sayaw ng Mamang Sorbetero, habang ang LWA ay nagsayaw ng Pinikpikan Dance/ Una-Kaya Ethnic Dance. Ang mga Kindergarten naman ay nagpakitang-gilas sa Gaway-Gaway Folk Dance, sinundan ng Grade 1 sa Sinulog Festival Dance, Grade 2 sa Maskara Festival Dance, at Grade 3 sa Panagbenga Festival Dance. Samantala, ang mga Grade 4, 5, at 6 ay nagpahanga sa kanilang pagtatanghal ng mga katutubong sayaw na Maglalatik, Pandanggo sa Ilaw, Cariñosa, at Tinikling. Nagkaroon din ng pagkilala sa husay at pagsusumikap ng mga kalahok sa pamamagitan ng paggawad ng parangal at sertipiko sa mga nagwagi sa iba’t ibang patimpalak ng Arts Month tulad ng Vocal Solo Contest, Acrylic Painting, Cosplay, at Field Demonstration. Sa kabuuan, ang pangwakas na pagdiriwang na ito ay naging matagumpay sa pagpapakita ng pagkamalikhain at pagkakaisa ng Batino ES.