RIP wamu скачать в хорошем качестве

RIP wamu

Uwo ni umupolisi Anicet NIYONZIMA akora muri commisariat ya Muyinga aheruka kwica bunyamaswa umukenyezi wiwe bari bubakanye ku mutumba Kinyota, Commune Muyinga. 🔶 Tubanze twibutse urwo rupfu rubabaje uwo mupolisi yakoreye uwo bari bubakenye. Vyose vyari vyabaye mw'ijoro ryo ku wa 20/03/2025 kur'uwo kutumba Kinyota aho abo bari basanzwe baba, bafise n'abana 2 bakiri bato. Kur'uwo musi, uwo mupolisi NIYONZIMA ni ho yafata wa mukenyezi bari bubakanye aramukerera n'imbugita, aca atangura kumukatagura ibihimba vy'umubiri wose. Yahereye ku mutwe ashira ukwawo, aca akata amaguru n'amaboko, agirwako n'amabere. Yaciye afata igisashe kinini yari yateguye ashiramwo vya bihimba vy'umubiri, aca arenzako igunira. Umutwe nawo aca aja ku wuta ukwaho. Ahejeje gutekera ivyo bihimba, uwo mupolisi yaciye arondera umu motard mubucagucagu amubwira ko afise umuzigo ashaka gushira umuntu ahitwa mu Rusengo, aho nyene i Muyinga. Wa mu motard yaraje bapakira rya gunira, baragenda, bumvikanye ko amuhemba amafranga ibihumbi mirongo itatu. Bashitse hamwe mu rusengo, ahantu hafi y'umuhana, ni ho wa mupolisi yabwira uwo mu motard ati: " Turashitse hagarara". Uwo mupolisi aca aruruka, ashira rya gunira hafi y'uwo muhana, baca barasubira inyuma. Ariko batarasubira inyuma, wa mu motar yarabajije umupolisi ati: " None ko umuzigo uwusize hanze?? Ko utarindiye nyenewo kugira aze uwumuhe??" Umupolisi yamwishuye ati: " Tugende, namutelefonye, araje kuwutora....". 🔶 Vyagiye kumenyekana gute ?? Bukeye bw'aho, ni ho abantu batekerura rya gunira barisanze aho ryari riteretse, baca basanga ni ibihimba vy'umuntu bitagira umutwe. Abantu barashwabadutse ari benshi barakungera, batangara. Ni ho vyaca bimenyekana hose, na wa mu motard aca aramenya ko bari batwaye ikiziga c'umuntu. Mu nyuma wa mupolisi yaciye afatwa. Bamubajije ahari umutwe, yaciye agenda kubereka aho yari yawutaye. Bahashitse bahasanze birikumwe n'ibere rimwe ry'uwo muhisi. Ni ho uwo mupolisi yaca atwarwa gupfungwa. 🔶 Urubanza rwiwe rw'ejo hahise. Ejo hahise, 31/03/2025 ni ho sentare ya Muyinga yacira urubanza uwo mupolisi NIYONZIMA Anicet. Mur'urwo rubanza, ariko yumvirizwa, yisiguye yemera icaha ko ari we yiyiciye uwo bari bubakenye. Abajijwe impamvu yabimutumye, yasiguye ko yamwishe kuko bari babanye nabi, batumvikana. Sentare imubajije impamvu yamwishe urwo rupfu rubabaje, umupolisi NIYONZIMA yishuye ko yamukataguye ibipande kugira bimworohere kunyegeza (kuyobagiza ikiziga), binamworohere kuja kugita kure. Sentare nkuru ya Muyinga yaciye igirwako icira uwo mupolisi NIYONZIMA umunyororo wo guherayo, aca acibwa indishi y'akababaro ingana n'amafranga y'amarundi imiliyoni mirongo itanu (#50millionsFbu) azohabwa umuryango w'umuhisi. Abanyagihugu barashima ico gihano muri rusangi, ariko bakagira amakenga menshi ko ashobora kurekurwa nkuko vyama vyabaye ku bapolisi batari bake bo mur'iyo ntara badasiba kugandagura abanyagihugu ariko bikarangira badahanwe, bishitse naho bagahanwa, bakamara mw'ibohero umwanya urume rumara. Abanyagihugu basaba ko n'umupolisi azwi kw'izina rya Adija aheruka kwica umunyagihugu aho nyene ku mutumba Kinyota yohanwa ubona ko atararengutswa imbere y'ubutungane. King Umurundi Freedom, Le 01/04/2025 #amakuru_atarikwivumbi #urugendo_news #daniel_mugisha #news_updats_interview Amakuru 🅱🅱C Gahuzamiryango Amakuru ya Haguruka yihuta Amakuru yinzamba yihuta Amakuru ya Peace FM yihuta Amakuru n'ibiganiro bicukumbuye