Жаңа жыл қарсаңында азық-түлік бағасы шарықтап тұр скачать в хорошем качестве

Жаңа жыл қарсаңында азық-түлік бағасы шарықтап тұр

Жаңа жыл қарсаңында азық-түлік бағасы шарықтап тұр. Әсіресе Алматыда әлеуметтік тауар санатына кіретін картоптың бір келісі 300 теңгеден саудаланып жатыр. Ал мерекелік дастарханның сәнін келтіретін мандариннің құны тіпті аспандап кеткен. Әрі шенеуніктер сүйіншілеген «Береке фест» акциясы барлық өңірде бірдей жүзеге асып жатқан жоқ секілді. Себебі ас-ауқат бағасының айырмашылығы жер мен көктей. Информбюро журналистері{2Оп 2В} бірнеше қаладағы ірі сауда орындарына барып, Үкімет уәде еткен бағаны бағдарлап келді. СЕРІК ДӘРМЕНҰЛЫ, тілші: Мен қазір Астанадағы ірі сауда нүктелерінің біріндемін. Сөрелердегі бағаға көз жүгіртсек. Әлеуметтік маңызы бар азық-түлік қатарындағы ет, қарақұмық, макарон, сәбіз секілді өнімдердің құны әзірге тұрақты. Ал, жыл басында келісі 500 теңгеден саудаланған картоп 187 теңгеден сатылып жатыр. Ал ұның бағасы 799 теңге. Бірер апта бұрынғы бағамен салыстырсақ, кей тауарлар сол қалпында қалған, ал кейбірі 2–3 теңгеге қымбаттаған екен. Дегенмен Астанданың 165 сауда нүктесінде "Bereke test" пен әлеуметтік маңызы бар ас-ауқаттан бөлек, тұрғындарға қажетті түрлі тауарларға да жеңілдіктер жасалыпты. ТОЙГҮЛ ЖҰБАНИСОВА, ҚР Сауда және интеграция министрлігінің баспасөз хатшысы: Консервілер Қазақстанда онша көп өндірісі жоқ. Көбісі сырттан импорталады. Одан бөлек мына қазір жаңа жылдық үстелге өте көп қойылатын апельсин, мандарин деген сияқты өнімдерді біз көбіне шетелдерден әсіресе Қытайдан импорттаймыз. Осы тауар түрлеріне де сауда желілері қолжетімділікті қамтамасыз ету мақсатында осы акцияның аясында үлкен жеңілдіктер ұсынып отыр. ОРАЗАЙ НҰРТАЙҰЛЫ, тілші: Алматыда әлеуметтік маңызды 19 азық-түлік бағасы бірқалыпты. Алайда Жаңа жыл алдында, халықтың айтуынша, тәттілер мен мерекелік дастарханның тағамдары қымбаттаған. Әсіресе жемістер. Мандариннің құны Алматыда 2 мың теңгеге дейін барады. Ал жиі тұтынатын ұнның 2 келісі қазір мың теңгеге, сұйық майдың литрі 800 теңгеге, жергілікті картоп 300 теңгеге жуықтапты. Алматылықтардың айтуынша, қазір үй жанындағы дүкен мен базардағы бағаны салыстыруға келмейді. Ал министрлік айтқан "Береке фест" жәрмеңкесі Оңтүстік астананың ірі сауда желілерінен байқалмайды. Кейбірі тіпті қатыспаған да. Жалпы Алматыдағы баға осы. Ал Қызылордада ше? Ол туралы Абай әріптесім өзің айтсаң. АБАЙ НҰРЖАНҰЛЫ, тілші: Ал Қызылордадағы ірі сауда желілерінде арнайы бұрышта 176 тауар түрі қойылған. Баға базарға қарағанда 10-50 пайыз аралығында арзан дейді сатушылар. Мәселен, сүт өнімдерінің ең қымбаты 599 теңге, консервіленген бұршақ, жүгері шамамен мың теңге көлемінде. Әсіресе науқан аясында отандық тәттілердің бағасы төмендеген екен. МАРИЯ МЕЙРАМБЕК, сатушы: Көп тауарлар өз бағасынан жарты бағада түскен. Соның арқасында бізде сатып алушылар да көбейді. Қазақстандық өнімге әсіресе акция болып жатыр. Ал Маңғыстау өңірінде азық-түлік бағасы бақылауда ма, Махаббат? МАХАББАТ НҰРЖАНҚЫЗЫ, тілші: Қайырлы кеш, Абай! Маңғыстау облысында мереке қарсаңында арнайы құрылған мониторингтік топтың жұмысы қыз-қыз қайнады. Жауаптылар cұраныс артқан өнімдердің бағасын тексеру жұмыстарын жүргізіп жатыр. Мониторинг барысында азық-түлік құнын негізсіз өсірген кәсіпкерлер жаппай айыппұл арқалауда. РАУАН МҰҚАЕВ, Маңғыстау облысы бойынша сауда және тұтынушы құқығын қорғау департаментінің басшысы: Егер де баға тым қымбаттап кетсе, акиматтың жанындағы тергеп-тексеру комиссиясына аталған мәселелер көтеріліп, егер де 15 пайыздан асырған кәсіпкерлер анықталса, міндетті түрде әкімшілік жауапкершілікке тартылады. МАХАББАТ НҰРЖАНҚЫЗЫ, тілші: Қазір ірі супермаркеттерде сөредегі және кассадағы бағаның сәйкес келмеу фактілері де анықталып жатыр екен. Сондықтан мамандар бизнес өкілдерін заңбұзушылыққа бармауға шақырады. #Информбюро #31арна #БастыЖаңалықтар #Новости #31канал