ما هو حب التملّك ؟؟ скачать в хорошем качестве

ما هو حب التملّك ؟؟

مرحبا مشاهدينا الكرام، بيقول الروائي المصري إحسان عبد القدوس: "شيء اسمه الحب وشيء اسمه غريزة التملك وبين الحب وغريزة التملك خيط رفيع.. رفيع جدًا.. إذا ما تبينته تكشف لك الفارق الكبير. حلقتنا اليوم هي عبارة عن ظاهرة كلنا لامسناها بحياتنا إن كانت على صعيد شخصي أو سمعنا فيها من مقربين، موضوعنا اليوم هو حب التملك. أغلبنا لما نسمع عن حب التملك بيخطر عبالنا هالأسئلة.. يا ترى هل حب التملك هو حب أم مرض نفسي؟، وهل هو بأساسه غيرة محمودة أم أنانية خبيثة بتجبر الإنسان على حب السيطرة والاستيلاء وتملك الاشخاص؟ هالأسئلة كلها رح نجاوب عليها بحلقتنا اليوم. حب التملك هو غريزة من الله حطها عند الإنسان للمحافظة على الأشياء يلي بيملكها متل بيتو، سيارتو، الأشخاص يلي بحبهن. ولما نقول محافظة يعني المعنى السوي للأمور، لإنو هالشعور إذا تجاوز حالته الطبيعية وارتبط بالأنانية وبالنرجسية والرغبة بامتلاك الأشخاص المقربين، فهو بصير حالة مرضية بتأثر سلبا على الشخص وعلى يلي حواليه. بيربط المختصين النفسيين بين مدى حب التملك ومدى حب الشخص لذاته، فكل ما كانت الأنانية مفرطة كل ما كانت شخصيته ميالة للتملك. ومن الممكن إنو يبين هالشي لما الطفل مثلا ما يقبل يشارك ألعابه مع حدا أو أنه يغار بشكل مفرط من إخوته لما يقربوا على الإم أو الأب، أو يغار من الأشخاص المقربين من أهلو. لهيك مهم كتير كأهل تعليم الطفل معاني المشاركة وتقاسم الممتلكات كالألعاب مع الغير، وتوعيته بأنو الأشخاص مش ملكية خاصة، هالشي اذا تلاحق على صغر كفيل أنو يبني عند الطفل شخصية متوازنة ومعتدلة بتجنبو تداعيات حب التملك لما يكبر. من العلامات يلي بتشير إنو الشخص يلي قدامك عندو حب الامتلاك: -الغيرة يلي بتكون غير منطقية وغير مبررة، مثلا الرجل يلي بضل يسأل مرتو عن تفاصيل المحادثات يلي حكتها طول اليوم والوقت يلي قضته مع الأصدقاء أو العائلة، وبنشوف إلحاح كبير من هالطرف لدرجة وجود مكالمات هاتفية كتيرة لحتى يتأكد من مكان وتصرفات الآخر. هالشخص يلي اذا واجهتو ببرر أفعالو بالحب والغيرة عليك وإنو هو خايف.. وطبعا هالأمور كلها مجرد تبريرات ما إلها أدنى صحة. في فرق لما الزوج يسأل مرتو شو عملت وكيف كان نهارها من باب الإطمئنان وفتح نقاش لتوطيد العلاقة، وسؤالها بس لمجرد التحقيق. فرط الحساسية: الشخص يلي عندو حب تملك ما بيتقبل أي انتقاد، هالشي نابع من عدم وجود ثقة كافية بنفسو، فمن السهل أنو يتم استفزازه وتعكير مزاجه، وهالنوع من الأشخاص مستحيل يتحمل مسؤولية أي موقف سلبي، وبيحاول التهرب منه وإلقاء اللوم على الطرف الاخر. -عزل الحبيب عن العالم الخارجي، والحاجة الدائمة لوجوده، والشعور الدائم بالقلق لما يغيب، والحبيب هون مش شرط يكون الزوج أو الزوجة، ممكن يكون صديق عنا تملك إلو أو إبن بنحس إنو هو إلنا وبس. الشخص المتملك بحب يكون محور حياتك وأنت محور حياته، وبدو ياك نسخة عنه وما بحب يكون عندك شخصية مستقلة عنو، بدو باسورد التليفون والفيسبوك وكل شي بتستخدمو. المتملك بحب وقتك كلو يكون إلو، مثلا الزوجة يلي بتحب ترافق زوجها وين ما راح وإجى، أو يلي بتزعل إذا طلع قضى شوية وقت برا مع رفقاتو، عطول بتحب تكون متل الظل لزوجها. حب التملك صفة ما فيو الواحد يتخلص منها بيوم وليلة لإنها بترجع لطفولة الإنسان، بس ممكن على المدى البعيد التخفيف منها بالأساليب التالية: 1- كل شخص عندو حب التملك لازم يعرف إنو ربنا ما خلق البشر لسعادتو هو وبس. 2- لازم يعرف بأنو لكل شخص كيان خاص في، لهيك لازم يحترم مساحة الحرية تعيتو، بنحبهن ايه، بنخاف عليهن اي، بس بحدود 3- من حقك أنو تكون جزء من حياتهن لأنك بتحبهن، بس مش حياتهن كلها. 4- أي شخص متملك لازم يعرف إنو كل شيء إذا زاد عن حده، انقلب ضده. فتضييق الخناق على الآخرين بيخليهن ينفروا منك. مشاهدينا الكرام، خلينا نفك الالتباس بين كلمتين الحب والتملك، لإنو الحب الحقيقي مُنزه عن التملك بمعناه الاستبدادي، وفي فرق كبير بيناتهن، فما نعطي تبريرات كاذبة ونخدع أنفسنا بفكرة إنو الطرف الأخر بحبنا، وهو بتصرفاتو بكون عم يبني قفص ليحبسنا في. #حب_التملك #مرض_نفسي #غيرة