Ақтөбеде Ырғыз ауданының күндері басталды скачать в хорошем качестве

Ақтөбеде Ырғыз ауданының күндері басталды

Қалада Ырғыз ауданының күндері басталды. Ырғыз жерінде алғаш мектеп ашқан қазақтың тұңғыш ағартушысы Ыбырай Алтынсарин атындағы көшеде бүгін көше мерекесі өтті. Зеңбірек ескерткішінің жанынан киіз үй тігілген. Ырғыздықтарды қала әкімі құттықтап келді. Ал, аудан әкімі Мәди Елеусізов қала тұрғындарына ақша сертификаттарын табыс етті. Атап айтсақ, көктемгі су тасқынынан зардап шеккен бес отбасыға 15 мың теңге, №11 және №22 мектепте оқитын, тұрмысы төмен отбасында тәрбиеленіп жатқан 10 балаға 10 мың теңгенің сертификаты берілді. Алтынсарин көшесінде тұратын Ұлы Отан соғысының екі ардагеріне, алтын және күміс алқа алған көп балалы екі анаға алғыс хат пен бағалы сыйлық тарту етілді. "Ыбырай Алтынсарин төсбелгісінің" иегерлері - үш ұстазға құрмет көрсетілді. Ырғыздық үздік студенттер Жайнагүл Төлепбергенова мен Еркебұлан Абатұлы да әкімнің алғысын алды. Көше мерекесіне жиналғандар кейін ашық аспан астында жайылған, Ырғыздың балығы, құрт-ірімшігі қойылған дастарханнан дәм татты. Аудан күндері ертең жалғасады. Таңертең "Табыс" базарында ауыл шаруашылығы жәрмеңкесі, кешке орталық саябақта Ырғыз өнерпаздарының концерті өтеді. Сайт телеканала http://www.rikatv.kz/ Twitter   / rika_kz   Вконтакте https://vk.com/rikatv