It’s Showtime November 14, 2025 | Full Episode скачать в хорошем качестве

It’s Showtime November 14, 2025 | Full Episode

Ang countdown to Christmas Day, pabilis na nang pabilis. Kaya ang excitement, pataas nang pataas! Nagsimula na ba kayong maglista ng Christmas shopping lists? Nag-vocalize na ba para sa mga caroling sessions? At sa mga masisipag na empleydo ng kompanya, mag-stretching na dahil it’s the time of the year na may maswerteng mabubunot para mag-perform sa Christmas party! Nostalgic talaga ang feeling ‘pag Pasko! And we’ve felt the same nostalgia sa reunion ng Sexbomb Girls na nangyari sa “It’s Showtime” stage! Kaway-kaway sa mga Batang ‘90s na pinalaki ng Sexbomb! Ang mga ‘batchmates’ nilang sina Jhong Hilario at Vhong Navarro, napa-reminisce rin! Alam n’yo bang si Jhong ay minsang nakasama ng Sexbomb sa teleserye nila? Aba! Ang mga sayaw ng Sexbomb, walang pinipiling panahon! Bentang-benta mula noon hanggang ngayon, kaya pati si Amy Perez, hindi na-resist ang challenge na magpaturo ng sayaw sa Sexbomb Girls! Mga paninda nila, sa online world mabenta! Maka-‘mine’ kaya sila ng swerte sa game arena? Mga online sellers, sa “Laro Laro Pick” bumida! Nananatili sa P200,000 ang POT money na pwedeng mapanalunan nila, matapos itong tanggihan ng referee player kahapon. Binalikan nina Vice Ganda at Showtime family ang tanong kahapon tungkol sa kung anong uri ng hayop ang mamba kung saan hango ang moniker ni basketball icon Kobe Bryant. Naisip tuloy ng grupo kung anong magandang animal-inspired alias ang bagay sa kanila! Kung Wild Monkey si Jhong Hilario at Dark Horse si Vice Ganda, ano naman kaya ang moniker ng iba pa? Teka, hindi pa man nagsisimula ang laro, may nauna nang umiyak? Si Meme, ibinuking ang naging huling usapan nila ni MC. What’s the tea, mga teh? Heto naman ang tea tungkol kay online seller Nonoy, mahusay siya sa sales talk, live-selling niya online ay payok! ‘Yun nga lang, mukhang may ‘sabotahe’ na nangyari. Parang may nag-report sa account niya kaya banned muna siya. Biro ni Vice Ganda, marami namang “nagbibihis” sa harap ng camera pero bakit si Nonoy lang ang pinuntirya? Ahh, hirit niya, baka depende sa mukha? Ineme-eme man ni Vice si Nonoy, bilib pa rin siya sa diskarte nito, dahil kapag matumal ang online selling, sa construction naman siya rumaraket. ‘Di ba, hardworking? Sa kuwento naman ni Therese, na nakakaranas din ng zero sales, naalala ni Vice si Madam Inutz, ang online personality na nakilala sa mga ‘gigil’ moments niya habang nagbebenta. Kaya paliwanag ni player-seller Ahlaila, dapat tibyan ang loob sa pagbebenta para hindi malugmok kapag walang kinita. Dagdag niya, nakakaapekto rin sa benta nila ang paglaganap ng scammers na dinudungisan ang pangalan nilang mga legit sellers. Kaya naman si Vice, nanawagan, pinuksa ang mga scammers na kawatan! “Huwag maging walanghiya,” mensahe ni Meme sa mga manlolokong ‘yan! Mula sa 24 players, tatlo lang ang natira sa PILImination. At kung sinusuwerte ka nga naman! Si MC ang umabante sa jackpot round. Naging comedy bar ang feels sa jackpot round ng “Laro Laro Pick” dahil bago ang tawaran with MC, nagkulitan muna sila ni Meme! Sa dami ng hirit nila ni Vice Ganda, panalo na ang audience sa katatawa. From tawanan, nagsimula na ang tawaran. At ang first offer nina Jhong Hilario at Vhong Navarro sa Li-Pot ay 150 pesos! Dagdagan n’yo naman mga, Kuys! Last tawad na ang P40,000, na tinanggihan pa rin ni MC dahil kung makukuha niya ang P200,000 POT money, mas marami ang matutulungan. Ang panalo ni MC, mapupunta sa ABS-CBN Foundation bilang donasyon para sa mga Kapamilyang sinalanta ng bagyo at pilit bumabangon. Heto na ang POT question: "Noong October 2025 ay ni-release ang pinakabagong album ni Taylor Swift na pinamagatang "The Life of A _________." Ang sagot ni MC ay “Girl.” Kinapos! Dahil ang tamang sagot ay “Showgirl.” Wala mang nakuhang panalo, magdo-donate pa rin si MC para sa mga biktima ng bagyo. No’ng una’y nagkalituhan nga lang kung magkano. Pero ‘di ba, kahit magkano man ang halaga, ang importante ay sa puso ito nagmula. Sa “Tawag Ng Tanghalan Duets 2,” kailangan ng chemistry para ma-perfect ang harmony. Kung chemistry ang pag-uusapan, meron n’yan ang magkaibigan na sina Akie Erika Cedilla at Tombi Romulo dahil sa dami na nilang pinagdaanan. “Habang May Buhay,” birit nila sa “TNT Duets 2” tanghalan. Nagustuhan ito ni hurado Katrina Velarde dahil walang sapawan na nangyari. Sabi nga ni hurado Jonathan Manalo, maganda kasi ang connection ng dalawa dahil “tight” sila. Kung required ang ‘connection,’ walang question kina Willy Cordovales at Mark Cordovales dahil dugo nila’y iisa. “Pagsubok,” inawit ng father ang son. Nagkaisa ang mga hurados sa kanilang komento na maganda ang kinalabasan ng magkaibang vocal texture ng mag-ama. Pero nabilangan sila nang dalawang beses dahil medyo ‘naligaw’ si Mark sa mga adlibs niya sa dulo. Sa dulo ng labanan, sina Tombi at Akie ang umangat sa tanghalan, with 94.7% total score, versus 91% ng mag-amang Willy at Mark. #ItsShowtime #ItsShowtimeFullEpisode #ABSCBNEntertainment