ပုံအတု ဗီဒီယို အတုများကို ဖော်ထုတ်ခြင်း скачать в хорошем качестве

ပုံအတု ဗီဒီယို အတုများကို ဖော်ထုတ်ခြင်း

မဇ္ဈိမ ။ ။ ပုံတပုံဟာ စကားလုံး တထောင်လောက် တန်တယ်လို့ ဆိုပေမယ့် ဒီကနေ့ခေတ်မှာ ပုံတွေ၊ ဗီဒီယိုတွေဟာ လိမ်ညာမှု တထောင်ရဲ့ အစ ဖြစ်နေပါပြီ။ စစ်တမ်းတွေအရ သတင်းအမှား ၉၀% ကျော်ဟာ ပုံအဟောင်းတွေနဲ့ မူရင်းမရှိတဲ့ ရုပ်သံတွေကို အသုံးပြုပြီး ဖြန့်ဝေနေတာ တွေ့ရပါတယ်။ ဒီအစီအစဉ်မှာတော့ သတင်းအမှားကို ပထမဆုံး မြင်လိုက်တာနဲ့ သံသယဝင်နိုင်တဲ့ မျက်လုံး မျိုး ရရှိသွားဖို့နဲ့၊ ကိုယ့်ဖာသာကိုယ် အလွယ်တကူ စစ်ဆေးနိုင်တဲ့ နည်းလမ်း (၃) ခု ကို လေ့လာသွားရမှာ ဖြစ်ပါတယ်။ ပုံ/ရုပ်သံအတု အမျိုးအစားများ သတင်းအမှား ဖြန့်ဝေသူတွေဟာ ပုံနဲ့ ဗီဒီယိုတွေကို ဘယ်လိုမျိုး အဓိက နည်းလမ်း (၃) ခုနဲ့ လိမ်ညာကြသလဲဆိုတာ ကြည့်ရအောင်။ ပုံ/ရုပ်သံ အဟောင်းကို အသစ်လို ပြန်သုံးခြင်း လွန်ခဲ့တဲ့ နှစ်ပေါင်းများစွာက ဖြစ်ရပ်တစ်ခု ဒါမှမဟုတ် နိုင်ငံခြားမှာ ဖြစ်ပျက်ခဲ့တဲ့ အဖြစ်အပျက်တခုက ပုံ/ဗီဒီယိုကို ယူပြီး "ဒါဟာ ဒီနေ့၊ ဒီနေရာမှာ ဖြစ်နေတာ" လို့ လိမ်ညာတာ ဖြစ်ပါတယ်။ တကယ်တော့ အဲ့ဒါဟာ အရင်က ဖြစ်ရပ်တခု သို့မဟုတ် မသက်ဆိုင်တဲ့ ဆန္ဒပြမှု ရုပ်သံဖိုင် ဖြစ်နေတာမျိုးပါ။ အစစ်ကို ပြုပြင်ပြောင်းလဲခြင်း မူရင်းပုံ ဒါမှမဟုတ် ဗီဒီယိုကို Photoshop လို ဆော့ဖ်ဝဲတွေသုံးပြီး ပြုပြင်ဖန်တီးတာ ဖြစ်ပါတယ်။ (ဥပမာ- ဓာတ်ပုံထဲက ပုဂ္ဂိုလ်တစ်ဦးကို ဖယ်ထုတ်တာ၊ စာသားထည့်တာ၊ ဒါမှမဟုတ် ပုံနှစ်ပုံကို ပေါင်းစပ်တာ) ဥပမာပေးရရင်တော့ ရန်ကုန်ဆူးလေမှာ သေကုန်ပြီ၊ လုံးဝအပြင်မထွက်ကြပါနဲ့ တမြို့လုံးလိုက်ဖမ်းနေပြီလို့ ရေးသားပြီး ဆူးလေ ဘုရားပုံကို ပြန်လည်ပြုပြင်ပြီး ဖြန့်ဝေတာမျိုးပဲ ဖြစ်ပါတယ်။​ ဉာဏ်ရည်တု (AI) ဖြင့် အသစ်ဖန်တီးခြင်း လူသား ဖန်တီးသူ မပါဘဲ ကွန်ပျူတာ ပရိုဂရမ် (AI) တွေနဲ့ လုံးဝအသစ် ဖန်တီးထားတဲ့ ပုံ ဒါမှမဟုတ် ဗီဒီယိုတွေ ဖြစ်ပါတယ်။ မျက်နှာပြင် အသေးစိတ်ကျသလို၊ ရေစီးတာ၊ မီးလောင်တာတွေကိုတောင် အစစ်လို ဖန်တီးနိုင်ပါတယ်။ သတင်းဓါတ်ပုံအတုတွေက ဘယ်လိုပုံစံ ရှိနိုင်တယ်ဆိုတာ ရှင်းပြီးတဲ့နောက် ခုတခါ ဘယ်လို စိစစ်ရမလဲ ကြည့်လိုက်ရအောင်။ ပုံ/ရုပ်သံ စစ်ဆေးနည်း ပုံရဲ့ ဇစ်မြစ်ကို ရှာဖွေကြပါမယ်။ ဒီပုံဟာ အဟောင်းလား၊ အသစ်လား၊ ဘယ်နေရာကနေ စတင်ခဲ့တာလဲဆိုတာကို ရှာဖွေဖို့ပါ။ သံသယရှိတဲ့ ပုံ/ ဗီဒီယိုရဲ့ screenshot ကိုရိုက်ယူပါ။ Google Chrome ဒါမှမဟုတ် ဖုန်းရဲ့ Browser မှာ Google Lens၊ TinEye၊ Yandex တို့ကို ဖွင့်ပါ။ ရိုက်ထားတဲ့ Screenshot ကို အဲ့ဒီ Search Engine ထဲမှာ ထည့်သွင်းပြီး ရှာဖွေပါ။ ဘာကိုရှာဖွေရမလဲ။ ရှာဖွေမှုရလဒ်မှာ ပထမဆုံး ပေါ်လာတဲ့ ရက်စွဲ ကို ကြည့်ပါ။ အကယ်၍ လွန်ခဲ့သော ၃ နှစ်ကတည်းက ရှိနေတဲ့ ပုံဖြစ်နေတယ်ဆိုရင် ယခုမှ လတ်တလောအဖြစ် ပုံဖော်တာကို ချက်ချင်း သိနိုင်ပါတယ်။ ပုံကို ဖော်ပြထားတဲ့ မူရင်း သတင်းဌာန ဒါမှမဟုတ် နေရာဒေသ ကို စစ်ဆေးပါ။ (ဥပမာ- ရလဒ်တွေမှာ ဖိလစ်ပိုင်နိုင်ငံက အကြောင်းအရာလို့ ဖော်ပြနေရင် မြန်မာပြည် ဖြစ်စဉ်အဖြစ် ဖြန့်ဝေတာဟာ လိမ်ညာမှု ဖြစ်ပါတယ်။) အသေးစိတ်ကို စူးစမ်းကြည့်ခြင်း ပြုပြင်ထားခြင်း ဒါမှမဟုတ် AI နဲ့ ဖန်တီးထားတာ ရှိ/မရှိ စစ်ဆေးဖို့ပါ။ ပုံ/ဗီဒီယိုကို ချဲ့ကြည့်ပြီး ဒီအချက်တွေကို အာရုံစိုက်ပါ။ အရိပ်တွေက တစ်သမတ်တည်း ကျရဲ့လား။ နေရောင်ခြည်က ပုံရဲ့ ဘယ်ဘက်က လာနေတာကို ပုံထဲက အခြားအရာတွေရဲ့ အရိပ်တွေကလည်း အတည်ပြုပေးနိုင်ရဲ့လား။ ပြုပြင်ထားတဲ့ ပုံတွေမှာ အလင်းနဲ့ အရိပ် မညီတာ တွေ့ရတတ်ပါတယ်။ AI ဖန်တီးထားတဲ့ ပုံတွေမှာ လူတွေရဲ့ လက်ချောင်းတွေ က ပုံပျက်နေတာ၊ သွားတွေ မညီတာ၊ မျက်လုံးတွေ အနည်းငယ် ဝေဝါးနေတာကို သတိထားပါ။ ပုံထဲက စာလုံးတွေ၊ ဆိုင်းဘုတ်တွေဟာ မူရင်းလား၊ မှုန်နေလား၊ တကယ်ရှိတဲ့ လမ်းဆိုင်းဘုတ်တွေနဲ့ တူရဲ့လားဆိုတာ စစ်ဆေးပါ။ မူရင်းအရင်းအမြစ်ကို ရှာဖွေခြင်း သတင်းရဲ့ နောက်ကွယ်က ဘယ်သူတွေ ဖြန့်ဝေနေသလဲ၊ ယုံကြည်ရလား စစ်ဆေးဖို့ပါ။ ဒီပုံ/ဗီဒီယိုကို ဘယ်သူက စတင်ဖြန့်ဝေခဲ့တာလဲ။ သတင်းဌာနလား၊ အဖွဲ့အစည်း တခုလား၊ ဒါမှမဟုတ် အမည်မသိတဲ့ တဦးတယောက် လား။ တင်တဲ့ အကောင့်ရဲ့ အခြား ပို့စ်များ ကို ကြည့်ပါ။ သူတို့ဟာ ဘက်လိုက်တဲ့ အကြောင်းအရာတွေကိုပဲ နေ့တိုင်းတင်နေတာလား၊ အရင်ကလည်း သတင်းအမှားတွေ ဖြန့်ဖူးသလား။ သတင်းအမှားတွေကို ကိုင်တွယ်ဖြေရှင်းရာမှာ အရေးအကြီးဆုံးအချက်က "မမျှဝေခင်၊ စစ်ဆေးပါ" ဆိုတာပါပဲ။ သင်တယောက်တည်း စစ်ဆေးလိုက်တာက လူတရာကို လိမ်ညာမှုရဲ့ သားကောင်ဖြစ်စေမယ့် အန္တရာယ်ကနေ ကာကွယ်လိုက်တာနဲ့ တူတူပါပဲ။ ဒီစစ်ဆေးနည်း (၃) ခုကို အသုံးပြုပြီး သတင်းအမှား ကင်းစင်တဲ့ လူမှုကွန်ရက်ကို ဖန်တီးရာမှာ လက်တွဲကူညီပေးပါလို့ တိုက်တွန်းလိုပါတယ်။ မဇ္ဈိမကိုကြည့်ရှုအားပေးနေတဲ့သူတွေအနေနဲ့လည်း စစ်ဆေးစေချင်တဲ့ သတင်းတွေရှိခဲ့ရင် မဇ္ဈိမကိုပေးပို့လို့ရပါတယ်။ ပေးပို့မယ်ဆိုရင် t.ly/AjFbz ဆိုတဲ့လင့်ကို ရိုက်ထည့်ပြီး စစ်ဆေးစေချင်တဲ့ သတင်းအကြောင်းအရာကို လင့်နဲ့တကွ ပေးပို့ပေးဖို့ မေတ္တာရပ်ခံအပ်ပါတယ်။ #Misinformation_Buster #Fake_News #Mizzima_Media #မဇ္ဈိမမီဒီယာ #ပုံစစ်ဆေးခြင်း ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ https://bit.ly/2VhJ12U or https://tinyurl.com/donatemzm Subscribe Mizzima TV :    / @mizzimanewstv   One link to follow all Mizzima platforms: https://mizzima.carrd.co