田北辰：咁都得？ скачать в хорошем качестве

田北辰：咁都得？

今日政府上嚟傾港大醫學院校園重建工程計劃，睇返近呢20年，醫學院嘅學生人數升咗近200%，教學設施升咗5成，但學生設施只係升咗兩成，咁嘅情況肯定要支持啦，尤其是香港人多地少，有地唔用係好離譜嚟嘅！ 但我又好擔心，諗起上年港大想係附近薄扶林道同域多利道之間嘅土地，起國際創新中心單嘢，初初就話諮詢過，個個都話冇問題，去到最後連立法會議員都反對，一個出咗嚟就個個都反對。咁我就留意到今次政府又話事前諮詢咗，嗰啲stakeholder梗係唔會出聲啦，因為佢哋係受惠人士嚟㗎嘛！ 最緊要就係周圍嗰啲，而家呢個工程範圍喺隔離58米度，就有碧荔花園、美琳苑呢啲屋苑，喺我嘅選區屯門都面對咁嘅問題，政府就話相距超過100米係OK嘅，但係你呢度只係相距58米JAR喎，我問政府到底有冇諮詢過呢啲屋苑？ 政府先至回應話，事前有通知過居民嘅，跟住就轉咗去話如果開始工程，附近大學生宿舍會沙塵滾滾，已經通知呢近千個學生有心理準備……喂，我講緊嘅係有冇諮詢過附近屋苑居民呀！ 到最後佢哋先至死死地氣承認，事前係未同呢啲屋苑溝通嘅！下，真係咁都得？！政府唔去諮詢仲等乜嘢呀！