[2018-07-25] 側田Justin Lo《半杯入魂》，講飲酒，講悔疚 скачать в хорошем качестве

[2018-07-25] 側田Justin Lo《半杯入魂》，講飲酒，講悔疚

側田《半杯入魂》，講飲酒，講悔疚。 對於飲酒，側田嘔就係悔疚：「一返到屋企嘔就悔疚，唔使等到第2朝，或者卡啦OK廁所嗰下嘢已經......」悔疚，因為害得自己好辛苦，頭又痛、口又臭，最重要係浪費咗一整日時間去回復。 但，點解停唔到？仲要重複去飲、去後悔，咁多年都係咁。唔通係心癮？佢話：「都係嘅，同埋飲咗酒易social啲。我比較內向，一大班人開party我唔鍾意，但如果飲咗就易啲，個人放鬆啲。如果有樣嘢可以代替到酒，又可以令我易啲social，又唔使有第二日後悔，咁就very good。我諗好多人都好似我咁，唔識social。」 飲酒，應該開心飲，定唔開心飲？「我好少唔開心飲，仲衰架！我唔明啲人點解唔開心飲，會更唔開心，會喊架喎。澆唔澆到愁？第二日其實仲愁，係咪？可能都係個逃避嚟嘅飲酒，好多人都應該有共嗚。」 解酒良方，側田從來無，所以「咪成日後悔囉。唔同以前，我以前可以第二日recover好快，而家如果我明日有嘢做我一定唔飲，我要make sure明天無嘢做先會出去飲，主要係唔想嘥咗一日。」 飲醉會唱的歌？ 「《追》，以前嘅飲歌，以前卡啦OK唱到喊架。啲朋友都知架喇：「死喇！阿田醉咗喇。」跟住我對住電視企到好埋，唱到流眼淚。但而家唔會喇，唔知點解唱呢首歌唔會喊，個人變咗。」 飲醉寫成的歌？ 「經常，我jam嘢一定要飲架。同啲朋友jam、去酒吧、去busking一定要，唔可以清醒jam。譬如啱啱諗到首《Happy Hour》，happy hour唔係真係好happy hour，大家出到嚟呻，或者要同老闆去應酬。真係happy係同班friend食完飯，放工嗰啲唔happy，係啲酒吧呃人。」 《Happy Hour》有句詞：「sleeping all my life in every waking hour.」 「其實我首歌想講，好多人都係醒緊，但其實瞓緊覺。根本日日重複緊唔想做嘅嘢，跟住放工就去happy hour，但個過程唔happy，為乜呢？」 側田Facebook   / justinlo.fanpage   側田Instagram   / justin.looo   側田新浪微博 http://weibo.com/teenfanmily 側田騰訊微博 http://t.qq.com/Lo_Justin