ഉപ്പുമാങ്ങ നിവേദ്യം - രചന, സമർപ്പണം: സുകുമാർ കാനഡ скачать в хорошем качестве

ഉപ്പുമാങ്ങ നിവേദ്യം - രചന, സമർപ്പണം: സുകുമാർ കാനഡ

ഉപ്പുമാങ്ങ നിവേദ്യം - കവിത ഡോ. സുകുമാർ കാനഡ (ആറു പതിറ്റാണ്ടിലേറെ ഗുരുവായൂരപ്പന് ഉപ്പുമാങ്ങ നിവേദ്യം തയാറാക്കി നൽകിയിരുന്ന പുതിയേടത്ത് പിഷാരത്ത് നാരായണിക്കുട്ടി പിഷാരസ്യാർ ഹരിപാദമണഞ്ഞു) ------------------ കരുണക്കടലാം ഗുരുവായുപുരത്തിൽ ഭക്തിപ്രഹർഷത്തിൻ ഉപ്പലിഞ്ഞൂ ഉപ്പുമാങ്ങ നേദിച്ച ധന്യജന്മത്തിൻ ഉപ്പായി നീ, ജന്മം സഫലമാക്കി തെച്ചിയും തുളസിയും താമരപ്പൂക്കളും തിരുമുടിമാലയായ് നിനക്കു നൽകി ഏഴു പതിറ്റാണ്ടുകൾ നിന്നുടെ സേവയിൽ ഹൃദയകമലം വനമാലയായി മനസ്സോ നിൻ വൃന്ദാവനം തൃപ്പുത്തരി ദിനത്തിൽ നിവേദ്യത്തിനായ് കണ്ണിമാങ്ങ ഓരോന്നും നോക്കി നോക്കി ഭക്തിതൻ ഉപ്പിട്ടു ഭരണികളിൽ വെച്ചു ജീവിതത്തിൻ മധുരവും ഉപ്പും രുചിച്ചറിഞ്ഞൂ മധുരവും ഉപ്പും രുചിച്ചറിഞ്ഞൂ അവസാനമായൊരു മോഹം അവസാനമായൊരു മോഹം സ്വർണ്ണക്കോലത്തിൽ ഗുരുവായൂരപ്പനെ കാണുവാൻ കാഴ്ചശീവേലി നേരം കണ്ണുകൾ നനയവേ മന്ദമാരുതനായ് നമസ്കാര മണ്ഡപത്തിൽ വന്നു നീ കൈപിടിച്ചമ്മയെ കൂട്ടിക്കൊണ്ടുപോയീ... നാരായണിക്കുട്ടിയമ്മ, കുറൂരമ്മയായീ ഉപ്പുമാങ്ങ ഭരണിയിലെ ഉപ്പിന്റെ നനവായ് ഗുരുവായൂരപ്പാ നിൻ ചാരുകഥകളിൽ ആ സ്മരണതൻ ഉപ്പു നിത്യം വിളമ്പിടണേ!