Sopi Mizoram ho in bat nei u vem?| Pu Chungthang thusei hi ngailha uvin| MNF lut na jeh?🤔 скачать в хорошем качестве

Sopi Mizoram ho in bat nei u vem?| Pu Chungthang thusei hi ngailha uvin| MNF lut na jeh?🤔

MNF LUT DING A , MIZORAM JOT U Dt. 10-12 December 1966 Olympic Golnop Keltheiman na ana bol uvin, Hiche Olympic hi Mizo Movement lai ahi in Mizoram um sopi ho iti lamdola panlah a Mizoram lutna kithopiding ham tia thuguh seina jong ahi. Sun leh ki chep golseh bol uvin, jan leh A guh a Mizoram lut thei na dia ki houna nei uvin ahi. Olymic chom khat bol jouvin uvin Mizoram a che di se se chu MNF Senator Pu.Lalkhohen Leh Lalkholun lamkai nan Kuki gollhang pha bepin sopi Mizoram a umho Jalen mu na din Dt. 12th December 1966 in Keithelman akon Kumbi Phukhi (Kolmun/Kholmun) muna nini vel um uvin, Dt. 14 th December 1966 in Lamka Konpui (Manipur) geijin keng in hung uvin, Ajan jan nin Singat geija din garin apui taovin ahi. Singat a kon a kho um louphat nin jan jan in keng ah Mizoram jon din aki tol un Paper jong Kg 15 mikhat cheh in apo uvin aki tol tao ve. Manipur leh Mizoram gamgi asun ajan ajot uvin,Mizoram lutna lampi Ngopa ah Army sipai ume ti ahetphat un apel uvin ,Mizoam Pawlrang chu ni lhah lam 19/12/1966 in hung lut uvin, Pawlrang a jan khat agih uvin Paper apoh ujong laija chun ada lha taovin ahi , ajing dt 20/12/1966 in Lungpon a hung lhung uvin phat chom khat aum mun Chirstmas jong a mang pai uvin ahi. Dt 1/01/1967 Kum thah chu Phullen na amang kit uvin ajouvin MNF V- Battalion join ana bol taovin ZAWNGIN kiti khomun nachun LMG Meithal kap ji tainning ana pi uvin ahi ajouvin Dendon Camp a kichon kit uvin Denbon Camp achun Pu Chungthang leh Pu Thanglhun chu Corporal Rank ana pe uvin manipur a kona kalsong lah a rank mu masapen ana hilhonin ahi. Hiche jouvin Lalkholun leh Lalkhokai jong Lieutenant RANK pe kit uvin ahi. KOMJANG KIKAP TO Dt. 26 July 1967 India Army/ Bihar regiment/61 Mountain Brigade hon CID a kon MNF ho hung lut u ve ti thu het phat uvin, gam khol din India army ho hung ki tol taovin ahi. Army ho Laloi leh Haijol a alut uva hin Ginmo in Civil mi Paohen leh Chunglal hi aman uvin anilhah mama in Komjang a ahinpuisuh uvin Komjang School Foundation Kisit na achun achangpang taovin ahi ajeh chun Khomite a kona Chaljang a Mizo MNF ho adimset uve tithu ana het u ahi.Mizo MNF honjong Army ho um umlou hetnan Chaljang a CID in Ahcha holdanin kilep sah uvin mi asol uvin hinlah army ho umlam koiman aseipeh pouve... (Operation tam tah a jaovin, interview na jong hi kino tah a bol ahi jeh in seikim thei pon, Phat leh ni poh dungjuija hung kiki houlimpi kit nan te) Hiche laija thu sao tah kikoi thei lou jeh in bungbai in ahi kham kham ka hin koi tai. Pu Chungthang Kuki hi hinkho thusim chom lam tah a lekha bu a sohdoh di lunggel ahi in, ama jong upa tan thudih thusei doh ho hi dihlou lai um khah a jong leh ki he to u te .. Adeh a Komjang Operation chungchnag hegil um leh kaki houpi nom e.Ama jong Pathen lungset in damsel in umna lai in ahi. Lungset in nei hin contact uvin 9862956408. #operation #chungthang #mizomovement