KHAWLU PUK | KEIVAWM PUK | LUNGTHLANGHING KHAM | NGAIZAWL | MIZORAM скачать в хорошем качестве

KHAWLU PUK | KEIVAWM PUK | LUNGTHLANGHING KHAM | NGAIZAWL | MIZORAM

Khawlu/Keivawm Puk hi Mizoram, Khawzawl District (2019 hma lam chanchin ziahna ah chuan Champhai Dist. a ni vek ang) chhung a Ngaizawl Khua a awm a ni. Ngaizawl khaw chung Lungthlanghing Kham an tih a awm niin, tun hma leh tun thlengin mi tam tak tlawh chak leh tawlh hlawh tak puk a la ni reng a ni. Keivawm Puk hming put chhan leh Keivawm hnam lo pian dan : Hmanlai hian Lungtau pahnam zinga Infimate mipa thenkhat chuan helai Puk ah hian thang kamin an va ngaihven a. An thang kam ah chuan sa a lo awk ngei a, ral atanga an sa awh hahum atang chuan an zinga mi thenkhat chuan "savawm a ni ang" an ti a, a thenkhatin "sakei zawk a ni ang" an ti bawk a. A hmun a an va en chian chuan Sakei rawng dum (Black Leopard) a lo ni zawk a. Chuta tang chuan Infimate mipa rual thang en a va kal te chu "Keivawm ho" (vawm tih hi Paite tawng a rawng dum sawina a ni) tiin an ko tan ta a ni. An thlah te pawh chu "Keivawm" ti a ko chhunzawm zelin, Keivawm hnam hi a lo piang ta ni. Tin, Sakei an awhna puk pawh hi "Keivawm Puk" tih hming a lo put phah ta bawk. Sawidan pakhatah chuan Pu L Keivawm pianna puk ti a sawi a awm ve zauh thin a, amaherawhchu thu belhchian dawl a nih a rinawm chiah loh. Tun tum Ngaizawl khua kal tum erawh hi chuan khaw mi ten "Khawlu Puk" tiin an lo sawi ve tawh thung.