BSDP-ត្រូវតែអនុវត្ត ស.ជ.ណ ឲ្យមានប្រសិទ្ធភាពចំពោះអ្នកប្រើប្រាស់ឧបករណ៏នេសាទខុសច្បាប់ скачать в хорошем качестве

BSDP-ត្រូវតែអនុវត្ត ស.ជ.ណ ឲ្យមានប្រសិទ្ធភាពចំពោះអ្នកប្រើប្រាស់ឧបករណ៏នេសាទខុសច្បាប់

នៅរសៀលថ្ងៃទី១០ និងព្រឹកថ្ងៃទី១១ ខែតុលា ឆ្នាំ២០១៩ ប្រតិភូគណបក្សសំបុកឃ្មុំសង្គមប្រជាធិបតេយ្យ ដឹកនាំដោយ ឯកឧត្តម ម៉ម សូណង់ដូ ប្រធានប្រតិភូ និងលោកជំទាវ ហួន ផាន់ណារី អនុប្រធានប្រតិភូ ព្រមទាំងសហសេវឹក និងមានការចូលរួមដំណើរពីអ្នកសង្កេតការណ៍ចំនួនពីររូបរបស់លេខាធិការដ្ឋានឧត្តមក្រុមប្រឹក្សាពិគ្រោះ និងផ្តល់យោបល់ និងមានការចូលរួមពីប្រជាសហគមន៍ចំនួនប្រាំរូប ធ្វើដំណើរដោយទូកម៉ាសីុនចំនួនពីរគ្រឿង ចេញពីចំណុចឃុំស្តី តាមបណ្តោយព្រែកកុយ ចូលទៅកាន់បឹងបេ៦ ឋិតក្នុងស្រុកកងមាស ខេត្តកំពង់ចាម ។ គោលដៅដំណើរបេសកកម្មនេះគឺស្វែងយល់ និងប្រមូលព័ត៌មានស្តីពីបទល្មើសជលផលក្នុងបឹងបេ៦ ។ ប្រតិភូគណបក្សសំបុកឃ្មុំសង្គមប្រជាធិបតេយ្យ បានប្រទះឃើញជាក់ស្តែងបទល្មើសនេសាទ មានស្បៃមុង សម្រាប់ចាប់យកកូនត្រី រាយពាសពេញផ្ទៃបឹង យ៉ាងអាណាធិបតេយ្យជាទីបំផុត ។ ព័ត៌មានដែលប្រតិភូគណបក្សសំបុកឃ្មុំសង្គមប្រជាធិបតេយ្យទទួលបានគឺថា ប្រជានេសាទ ដែលប្រើប្រាស់ ស្បៃមុង ដើម្បីចាប់យកត្រីតូចធំ យកលក់ទៅឲ្យឈ្មួញសម្រាប់ផ្គត់ផ្គង់វារីវប្បកម្ម ដូចជាការចិញ្ចឹមត្រីឆ្តោ និងត្រីប្រា ជាដើម ។ តាមការជួបផ្ទាល់ជាមួយប្រជានេសាទដែលកំពុងធ្វើសកម្មភាពលើកស្បៃមុងពួកគេបាននិយាយប្រាប់ថា ផលនេសាទចំពោះត្រីល្អិតៗទាំងនោះលក់បានក្នុងតម្លៃជាមធ្យមពី១០០០រៀល ទៅ១៥០០រៀល ក្នុងមួយគីឡូក្រាម។ ជាមួយគ្នានោះអាងទឹកនៅក្នងទំនប់តាមូល ក៏បានជួលឲ្យឈ្មួញក្នុងតម្លៃ ប្រាំលានរៀល សម្រាប់រយៈពេលប្រាំឆ្នាំផងដែរ។ រីឯសមាជិកសហគមន៍វិញក៏បានបញ្ជាក់ថា ការនេសាទដោយដាក់ស្បៃមុង ឆ្នាំនេះមានកាន់តែច្រើនឡើងៗ ហើយផលនេសាទឆ្នាំនេះមានការធ្លាក់ចុះខ្លាំង បើប្រៀបធៀបទៅនឹងឆ្នាំកន្លងទៅ ជាមួយគ្នានោះដែរប្រភេទត្រីមួយចំនួន លែងឃើញមានវត្តមាននៅក្នុងបឹងបេ៦នេះ។ ហើយអ្នកប្រព្រឹត្តបទល្មើសយកឧបករណ៏ខុសច្បាប់ទៅប្រើប្រាស់ទាំងនោះ បានបញ្ជាក់អោយយើងដឹងថា បើមន្ត្រីជលផលចង់លុបបំបាត់ ឧបករណ៏ ស្បៃមុង រ៉ៃ ទាំងអស់ហ្នឹងទៅបាន ទាល់តែទប់ស្កាត់ក្រុមហ៊ុនមួយចំនួន មិនអោយទទួលទិញត្រីល្អិតៗពីអ្នកនេសាទទាំងអស់នោះ ហើយត្រូវដាក់ពិន័យអោយធ្ងន់ ចំពោះអ្នកនេសាទដែលប្រើប្រាស់ឧបករណ៏ផងដែរ ៕