1 Gecəyə Öskürəyi Kəsən Təbii Müalicə скачать в хорошем качестве

1 Gecəyə Öskürəyi Kəsən Təbii Müalicə

#öskürək #demədidemə #bəlğəm Bu gün sizə öskürəkdən danışmaq istəyirəm. Öskürək nədir? Səbəbləri nələrdir? Öskürəyi necə kəsmək olar? Bu kimi suallarınız varsa, videomuzu izləyin… Öskürəyin davametmə müddəti önəmlidir. 2 həftədən az çəkən öskürəklər “kəskin öskürək”dir. Adətən, ötəri səbəblərdən qaynaqlanır. 2-4 həftə arasındakı öskürəklər “allergik öskürək” ola bilər. 4 həftədən çox sürən öskürəklər “xroniki öskürək”dir. Əgər öskürəyiniz 4 həftədən çox çəkirsə, həkimə getməyiniz mütləqdir. Xroniki öskürəyin ciddi səbəbləri ola bilər. Aylarla sürən öskürək o deməkdir ki, orqanizmdə nəsə düzgün deyil. Yəni öskürmək əsnəmək kimi adi bir hərəkət olaraq qəbul edilməməlidir. Öskürəyi yaradan səbəblər aradan qaldırılınca öskürək də sona çatar. Qrip mövsümündə öksürəyi burun axıntısı yaradır. Burundakı selik gənziyə sıçrayır, orada qıcıqlanma baş verir, insan öskürür. Üst tənəffüs sistemindəki infeksiyalar da gənziyi qıcıqlandırır, öskürəyə səbəb olur. Əgər vəziyyət belədirsə, bol-bol maye içmək, məsələn, isti kompot, süd içmək faydalıdır. Bu tədbirlər həyata keçirildi, amma öskürək kəsmədi? O zaman virus və bakteriya səbəbiylə yaranan öskürəkdən şübhələnməyə dəyər. Bunlar da qorxulu deyil. Çünki virusun və bakteriyanın əleyhdarı olan vasitələr istifadə edildikdə, keçib gedir. Astma xəstəliyi səbəbiylə yaranan öskürək o zaman dayanır ki, astmadan əziyyət çəkən insan lazımi müalicə alsın və həkim nəzarətində olsun. Bir astma xəstəsi öskürməyə başlayırsa, öskürək getdikcə intensivləşirsə, öskürəklər arasında nəfəs almağa fürsət tapa bilmirsə, müalicə üsulunu həmən dəyişmək lazımdır. Qastro-ezofageal reflyuks xəstəliyi də öskürəyin səbəblərindəndir. Yəqin, indi düşünən tapıldı ki: “Mədə xəstəliyinin öskürəklə nə əlaqəsi?” Xəstəliyin özünün xarakteri belədir: mədə turşusu mədədən qida borusuna gedir-gəlir. Bəzən olur ki, qida borusundakı hansısa turş maddə nəfəs borusuna sıçrayır və öskürək yaradır. Qastro-ezofageal reflyuks xəstəliyi davamlı olursa, nəfəs borusuna sıçrayan mədə şirəsi nəfəs yollarında xəsarətə səbəb ola bilər. Xəsarət almış nəfəs borusu üsyanını öskürəklə bildirir. Xüsusilə, uşaqlıqda keçməyən öskürək zamanı qastro-ezofageal reflyuks xəstəliyindən şübhələnməyə dəyər. Digər bir öskürək səbəbi xroniki bronxitdir. Ağciyərlərin xroniki obstruktiv xəstəliyi (AXOX) tənəffüsün çətinləşməsi, təngnəfəsliklə müşayiət olunan, həyat üçün təhlükə yaradan, müalicəsi olmayan xəstəlikdir. Bəli, xroniki bronxit, AXOX və emfizem də öskürək səbəblərindəndir. Bu xəstəliklərdən qaynaqlanan öskürəklər, adətən, 4 həftədən çox çəkir. Mütəxəssisə müraciət etmək mütləqdir. Müalicə gecikməməlidir. Öskürəkdən danışırıqsa, siqaret faktorunu unutmaq olmaz. Çünki boğazı qıcıqlandıran səbəblərdən ən önəmlisidir siqaret. Bəzən uzunmüddətli öskürəkdən əziyyət çəkən insan siqareti tərgitdiyində, qısa zamanda öskürək də yoxa çıxır. Əgər siqaret vərdişindən əl çəkilirsə, amma öskürək yenə davam edirsə, bronxların genişlənməsi probleminin mövcudluğu haqqında düşünülməlidir. Nadir görülsə də, ağciyər xərçənginin öskürəyə səbəb olması faktı var. Ürək çatışmazlığı isə öskürəyin ən geniş yayılmış səbəblərindəndir. Yəni xroniki öskürək ürək çatışmazlığının xəbərçisi ola bilər. Ürək çatışmazlığı varsa, bronxlarda, alveollarda ödəm yaranır, bronxitlər daralır, nəticədə, öskürək başlayır. Öskürək təzyiq dərmanlarından da qaynaqlanır. Təəccüblü gəlsə də, belədir. Amma bu, o demək deyil ki, təzyiq dərmanını içən kimi, öskürək başlayır. İllərlə müntəzəm şəkildə təzyiq dərmanı qəbul edən insanlar heç ummadığı zamanda öskürməyə başlaya bilirlər. Bu vəziyyət davam edərsə, həmən həkimlə məsləhətləşməli, qəbul edilən təzyiq dərmanı dayandırılmalıdır. Sadaladığım səbəblər arasında gənziyə sıçrayan axıntı, astma, qastro-ezofageal reflyuks xəstəliyi ən geniş yayılmış olanlardır. Ağciyər xərçəngi, ürək çatışmazlığı isə nadir səbəblərdir. Yenə də, unutmayın ki, öskürək 4 həftədən çox çəkirsə, narahat olmalısınız. Hər ehtimala, göz həkiminin də müayinəsindən keçmək yaxşıdır. Bir az da öskürəyin təbii müalicə üsullarından danışaq… Öskürək dərmanlarının əksəriyyəti öskürəyi qısa müddətdə kəsməyə hesablanıb. Beləcə, bəlğəm üzə çıxmır, dərində qalır. Lakin öskürək orqanizmin, bir növ, təmizlənmə metodudur. Virus, bakteriya, bəlğəm-hamısı öskürəklə bədəndən xaric olunur. Öskürəyi qəfil dayandırmaq deyil, bəlğəmi yumşaltmaq, təmizlənməsinə nail olmaq məqsədin əsasını təşkil etməlidir. Öskürəyin müalicə üsulları: 1) Təmiz bal yemək; 2) Zəncəfil və sarıkök qəbul etmək. Hər iki ədviyyatın qara istiotla birlikdə qəbulu boğazı təmizləyir, rahatladır, boğaz ağrısı azalır, bəlğəmi yumşaldır; 3) Adaçayı çayı içmək. Hətta ağciyərlərdəki bəlğəmi belə, yumşalda bilir və orqanizmdən asanlıqla xaric olunmasını təmin edir. Bronxlardakı iltihablanmanı azaldır, həyat keyfiyyətini yaxşılaşdırır; 4) Kəklikotu çayı, kəklikotu yağından istifadə etmək. Qədimdən bəri, kəklikotu öskürəyin təbii dərmanı sayılır;