නීති පීඨ හා නීති විද්‍යාල අතර වෙනස - The Difference Between Law Faculties And Law Colleges скачать в хорошем качестве

නීති පීඨ හා නීති විද්‍යාල අතර වෙනස - The Difference Between Law Faculties And Law Colleges

නීති පීඨ හා නීති විද්‍යාලය අතර වෙනස නීතිය හැදෑරීමට සහ නීතීඥයෙකු වීමේ අවශ්‍යතාවය ඇති අයෙක් නම්, ඒ සඳහා උපකාර වන සුවිශේෂී ආයතන ද්විත්වය ලෙස මෙම ආයතන දෙක අපට හඳුනා ගන්න පුළුවන්. ශ්‍රී ලංකා නීති විද්‍යාලය කියන්නෙ නීති පීඨයකට සම්බන්ධ නැති නීති අධ්‍යයන සභාව මඟින් පාලනය වන ආයතනයක්. ඒ තුළින් සිදු කරන්නේ වෘත්තීය මට්ටමේ නිපුණත්වයක් සඳහා අවශ්‍ය පසුබිම නීති සිසුන් වෙත ලබා දීම. එනම් නීතීඥ වෘත්තීය සඳහා අවශ්‍ය වෘත්තීය කුසලතාවය වැඩි දියුණු කිරීමයි. මේ සඳහා යොමු වී සෘජුවම නීතීඥයකු වීමට වසර තුනක කාලයක් සහිතව නීති විද්‍යාලයේ අභ්‍යන්තර ශිෂ්‍යයයෙකු ලෙස ලියාපදිංචි විය යුතුයි. එසේ නොමැතිව රජයේ විශ්වවිද්‍යාල වලට අනුයුක්ත නීති පීඨයන්හි නීතිවේදී උපාධිය අවසන් කරන විද්‍යාර්ථීන් තම අවසාන විභාගය නීති විද්‍යාලය තුළ සම්පූර්ණ කළ යුතුවන්නේ වෘත්තිය මට්ටමේ කුසලතාවය ළගා කර ගැනීම සඳහා යි. නීතිවේදී , එසේත් නැත්නම් Bachelor of laws - LL.B සඳහා අනිවාර්යයෙන්ම නීති පීඨයට හෝ අධ්‍යයන දෙපාර්තමේන්තුවකට අනුයුක්ත විය යුතුයි. අවශ්‍ය සුදුසුනම් සම්පූර්ණ කර ඇත්නම් කොළඹ විශ්වවිද්‍යාලය, යාපනය විශ්වවිද්‍යාලය , පේරාදෙණිය විශ්වවිද්‍යාලය, විවෘත විශ්වවිද්‍යාලය මඟින් නීතිවේදී උපාධිය ලබා ගැනීම සඳහා අවස්ථාව ඇත. මීට අමතරව තෝරාගත් විදේශීය විශ්ව විද්‍යාල මගින් ලබාදෙනු ලබන නීතිවේදී උපාධි සහතික හරහාද ප්‍රවේශ පරීක්ෂණයකින් තොරව නීති විද්‍යාලයේ ලියාපදිංචි විය හැකියි. නීති පීඨය මඟින් ලබා දෙන්නෙ නීතිය පිළිබඳ ශාස්ත්‍රීය දැනුම පමණයි. ඒ අනුව එම විශ්වවිද්‍යාල තුළින් පිටවන විද්‍යාර්ථීන් සිය වෘත්තීය මට්ටමේ නිපුණත්වයක් සඳහා නීති විද්‍යාලය වෙත යොමු වීය යුතුයි. ඒ අනුව විශ්වවිද්‍යාලයේ නීතිවේදී උපාධිය අවසන්ව නීතිවිද්‍යාලයේ අවසන් විභාගය කිරීමෙන් නීතීඥයකු වීමට වසර පහක පමණ කාලයක් ගත වන අතර, නීති විද්‍යාලය තුළින් නීතීඥයකු වීමට වැය වන්නේ වසර තුන හමාරක වැනි කාලයක්. නීති විද්‍යාලයේ වසර තුන අවසන් කිරීමෙන් අනතුරුව, සය මාසයක් ජේෂ්ඨ නීතීඥයකු යටතේ තම වෘත්තීය කුසලතා වැඩිදියුණු කර ගැනීමෙන් අනතුරුව ශ්‍රේෂ්ඨාධිකරණ නීතීඥයකු ලෙස දිවුරුම් දීමේ අවස්ථාව හිමිවේ.