元宇宙買地的興起 | 虛擬土地是趨勢還是泡沫？ | 有什麼人在買？| 有什麼風險？ скачать в хорошем качестве

元宇宙買地的興起 | 虛擬土地是趨勢還是泡沫？ | 有什麼人在買？| 有什麼風險？

#元宇宙買地 #虛擬土地 #虛擬資產 玩過大富翁嘅朋友相信都知道買地嘅重要性，依家投資者都要爭住買地，不過唔係實體地，而係喺元宇宙入面買地。 2021年11月 Tokens.com用左USD$2.4million喺Decentraland買虛擬土地。 同月，Republic Realm用左USD$4.3million 去買Sandbox嘅虛擬土地 。 甚至一啲名人好似 Snoop dogg仲有 Paris Hilton都有加入購買虛擬地產。 事實上根據Metametric Solutions嘅資料，元宇宙嘅房地產喺2021嘅銷售額已經超過USD$500million，而預計今年將會有雙倍增長。 現時有什麼虛擬土地和呢啲虛擬土地依家係幾多錢呢? 現時兩個最大嘅虛擬平台黎自Sandbox 同decentraland。 2021年Sandbox有65000宗虛擬土地交易，總共加埋有 USD350,000,000. 係Decentraland嘅三倍。 另外都有其他虛擬平台，例如Somnium Space, Crypto voxels, 仲有Super world。 行內人士話到時唔會有某一個社交平台，或者某一個遊戲機，而係有唔同嘅元宇宙出現，而佢哋每個都會有唔同嘅特性係入面。 例如，Sandbox會集中多啲喺遊戲，而Decentraland啲集中喺現場live嘅活動。 講到價錢方面，虛擬土地喺Sandbox喺去年十月中，平均係USD2620per parcel，不過喺facebook轉名做meta之後，價錢喺一個月之後，已經升到USD11042。 到底現時有啲咩人會投資喺虛擬地產同埋點解？ 現時主要是一些投機或者投資者希望可以快人一步做一啲將來會好流行嘅嘢， 亦有公司希望率先表態自己會參與呢件事，另外都有地產發展商。 紐約同邁亞美嘅地產界龍頭 Tal 同Oren Alexander宣佈將會發展同賣奢侈虛擬房地產。 剛剛提到嘅Tokens.com用左USD$2.4million喺decentraland嘅一個時裝區域買左虛擬土地。希望將呢啲虛擬土地再發展，然之後租出去畀唔同嘅服裝品牌作為零售點或者搞活動之用。 Tokens.com喺2022年3月24-27日喺Decentraland嘅時裝區域，舉行歷史以嚟第一個虛擬時裝騷。 仲有，一啲高端奢侈品品牌好似Gucci, Balenciaga已經宣佈將會售賣淨係喺元宇宙先買到虛擬衫同埋飾品。 除美國之外，Samsung之前亦宣佈將會喺Decentraland開一間元宇宙嘅商店，希望搞一啲live音樂活動 ，Sandbox 亦都宣佈將會喺元宇宙到發展Mega City。 當然現時嚟講，元宇宙嘅土地買賣比起真實嘅土地買賣仲係差天共地 。2021年只有13萬宗嘅元宇宙土地買賣。 呢個都係一個好新嘅概念。 到底元宇宙將會係另一個大趨勢？定係另一個泡沫呢？ 行內人士就話元宇宙將會轉變好多，佢將會結合現有嘅社交媒體 ，電腦，教育，廣告 ，購物等等，再將這些體驗推到去另一個層次。而且的確現時已經有好多大公司都會參與，Apple, Microsoft, Samsung, Nvidia，所以好難去忽視呢一個趨勢。 不過元宇宙嘅土地買賣亦存在好巨大嘅風險。 第一就是虛擬貨幣嘅風險，現時都有好多虛擬貨幣嘅騙案，另外就是虛擬貨幣價值嘅波動，仲有就係你買到嘅虛擬土地到時將來能唔能夠成為一個熱門嘅地方都會係一個問題，甚至有機會你買嘅虛擬土地將來未必存在 。至呢一個土地將來係咪可以為你帶來回報都係不確定嘅。 所以基於佢嘅風險， 投資者應該都要小心謹慎一啲呀。