Banka e Shqipërisë: Marzhi i fitimit të bankave arrin nivele të larta historike-(4 Mars 2012) скачать в хорошем качестве

Banka e Shqipërisë: Marzhi i fitimit të bankave arrin nivele të larta historike-(4 Mars 2012)

Lajme Arkiva 2012 Diferenca ndërmjet interesit të kredive dhe atyre që bankat japin për depozitat ka arritur kulmin në fund të vitit që kaloi. Interesat që bankat po japin për huatë janë gati 7% më të larta se interesat që ato ofrojnë për kursimet. Rritja e kostos së ndërmjetësimit është reflektuar nga Banka e Shqipërisë në një studim mbi interesat dhe kreditë. Autoriteti Qendror Bankar vëren se diferenca ndërmjet dy shërbimeve kryesore bankare është rritur për shkak se bankat vitin e fundit kanë shtrënguar së tepërmi kredidhënien duke rritur ndjeshëm interesat dhe nga ana tjetër kanë ulur ndjeshëm interesat për kursimet në të gjitha maturimet. Diferenca është thelluar më së shumti ndërmjet kredive dhe depozitave në monedhën vendase. Pavarësisht rënies së interesave të bonove të thesarit 12 mujore, të cilat përdoren si norma referencë për çmimin e kredisë në lek, marzhi i aplikuar mbi to është rritur gjatë fundit të vitit 2011 duke shkaktuar edhe rritjen e normës mesatare të interesit të kredisë. Diferenca mes normës së interesit të kredisë dhe interesit të bonove 12 mujore të thesarit rezultoi 3.91% dhe 4.85%, përkatësisht në këta dy muaj, kundrejt vlerës 3.39% që ishte në Shtator të vitit 2011, cilësohet nga Banka e Shqipërisë në raportin e saj. Kostoja e ndërmjetësimit në lekë ka shënuar rritjen në muajin tetor dhe nëntor, duke arritur 6.8% nga 6.3% që shënonte mesatarisht në tremujorin e tretë të vitit 2011. Deklaratat paralajmëruese se bankat e nivelit të dytë nuk bëjnë lojë të ndershme me klientët janë dhënë më parë edhe nga Fondi Monetar Ndërkombëtar dhe Banka e Shqipërisë. Në një studim të Fondit Monetar Ndërkombëtar, thuhet se është evidentuar në sistemin bankar shqiptar kostoja e ndërmjetësimit, e cila ka ardhur vazhdimisht në rritje. Kjo rritje e lartë i referohet rritjes së investimeve të bankave në aktivitete me rrezik më të lartë dhe ndryshimit të strukturës së depozitave në favor të atyre në valutë me norma më të ulëta interesi. Kostot e larta të ndërmjetësimit pengojnë zhvillimin ekonomik dhe tregojnë mungesë eficence në sistemin bankar. Për të siguruar fitime të larta, bankat në vendin tonë abuzojnë me dhënien e kredive, si në drejtim të normave të larta të interesit, ashtu edhe në drejtim të transparencës. Norma e interesit është çmimi i parasë së dhënë ose të marrë hua, prandaj, niveli i saj përcaktohet në radhë të parë nga kërkesa dhe oferta për kredi e depozita. Niveli i normave të interesit ka një ndikim të konsiderueshëm në ekonomi. Kur normat e interesit janë të ulëta, atëherë është më e lehtë për njerëzit të marrin hua për të blerë banesa, pajisje shtëpie dhe automobila. Duke u shtuar blerjet, rritet kërkesa për prodhimin e pajisjeve dhe automobilave, apo dhe ndërtimin e banesave, e cila sjell aktivitet për shoqëritë që i tregtojnë apo firmat që i prodhojnë. Këto të fundit, për të përballuar kërkesat e rritura, investojnë më shumë në kapacitetin prodhues dhe ndërtues, hapin vende të reja pune dhe këto investime shtesë i financojnë duke marrë kredi nga bankat. Në këtë mënyrë, ekonomia zhvillohet, ndërkohë këto përfitime humbasin kur norma e interesit është e lartë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/