《歌鼓勵人》LIVE | CUCB 2023-2024年度音樂會《Rest Note》改編歌曲 скачать в хорошем качестве

《歌鼓勵人》LIVE | CUCB 2023-2024年度音樂會《Rest Note》改編歌曲

《歌鼓勵人》 曲：Billy Choi、雞翼 詞：Billy Choi Rap：胡璞@CUCB、連子謙@CUCB 編：胡璞@CUCB 「想做就去做，洗乜怕失敗被責罵？ 經驗值每日都會增加。 對準心中嘅標靶，目標都總會偏差。 絕不心急到達，最怕有日後悔冇出發， 淨係把口掙扎。」 有冇聽過個故仔，主角叫Soho， 返工三鞠躬返到自閉，朝九晚六操勞。 佢都諗唔明係為咗錢幣，定係為前路， 定係因應由治及興嘅形勢，故事要說好？ 所以，就係咁，日復一日。 當情緒變得緘默， 空間時間拉扯衝突， 當自我失去經脈 —— 只得荒誕，冇卡謬講嘅充實。 薛西弗斯式嘅意義。 當意義逃離故事， 當故事撇棄律詩， 當律詩遺下文字， 當文字 —— 呢啲文字可否再次構成故事， 重新寫下Soho嘅生存意義？ 當晚，伍宜孫嘅302號房， 我將呢個故事寫喺筆記，我同自己講： 帶住十年後嘅筆記，逃離今日一睡不起， 寧願屏息之間浮沉充當我嘅樂此不疲。 從前娛樂至死、勞碌至死， 乏善可陳地乏味。 一而再再而三，不能自拔地 觀看宿舍房間佈置，音符、文學、報紙， 塑造道義嘅陶瓷、優美措辭之於數字...... 時鐘向我報時：你年事已經高， 是時候努力做自己 —— 先至會有意義。 世界與我對敵，進退為勢所迫， 不甘所有夢堆積成塵封嘅記憶！ 最怕冇試過努力，營營役役，仍然尋覓， 呢個就係我嘅價值！ 想做就去做，洗乜怕失敗被責罵？ 經驗值每日都會增加！ 對準心中嘅標靶，目標都總會偏差。 絕不心急到達，最怕有日後悔冇出發， 淨係把口掙扎。 各位早晨，報一報時： 而家係六點二十一分， 天氣介乎室溫，適合用側身嚟起身，伸懶腰拉筋。 以每日朝早操練提醒自己乜嘢係我命根！ 打開練習嘅筆記，記錄每一個里程碑。 卑微卻唔想放棄，背後嘅不甘將我撐起。 想要對抗命運！ 我想要能屈能伸！ 即使我淨係識得寫歌詞， 我都要寫到耗盡筆芯！ 其實，我冇公主要救。 其實，我冇追兵要守。 但我每刻都要戰鬥， 因為我冇辦法接受人被時間推住走， 走到天涯海角峭壁盡頭。 所以我要一而再再而三，過五關斬六將， 喺令人窒息嘅世界搵破口逃走！ 睇返筆記第一頁，現實與記憶重疊。 Soho故仔同我命運連接，天大災劫， 所有際遇運氣努力時機究竟要點樣拿捏？ 我話過，我話過要忠於自己！ 我話過，我話過唔要不甘至死！ 我會用盡一切方法、所有掙扎，不再抑壓， 為咗要改寫故事結尾！ 世界與我對敵，進退為勢所迫， 不甘所有夢堆積成塵封嘅記憶！ 最怕冇試過努力，營營役役，仍然尋覓， 呢個就係我嘅價值！ 想做就去做，洗乜怕失敗被責罵？ 經驗值每日都會增加！ 對準心中嘅標靶，目標都總會偏差。 絕不心急到達，最怕有日後悔冇出發， 淨係把口掙扎。 人生有幾多個Bar數， 可以比你盡情去YOLO？ 握緊你嘅樂器，奏起： That's your life. That's your solo. 面對明日未知之數， 今日更加要敢想敢做。 握緊你嘅筆記，緊記： 「That's your soul, mate.」 「That's your Soho.」 人生有幾多個Bar數， 可以比你盡情去YOLO？ 握緊你嘅樂器，奏起： That's your life. That's your solo. 面對明日未知之數， 今日更加要敢想敢做。 「That's your soul, that's your soul.」 「That's your Soho.」 「想做就去做，洗乜怕失敗被責罵？ 經驗值每日都會增加。」 有次當我迷惘再次攞起筆記， 回憶過往同時亦都記得你， 曾經講過好想搵返逐漸失去嘅自己， 所以我喺呢次直播點咗呢隻歌， 去鼓勵你。 * * * * * * * * * 主唱：羅煒華 Rap：連信之、蘇曉恩 琴手：梁子澄 小提琴手：梁臻瑤、劉穎翹 電結他手：黎嘉俊、萬希諾 低音電結他手：胡璞 鼓手：蘇諾生 混音：Enoch Pang、Alex Yip 剪接：羅煒華 * * * * * * * * * 【創作概念分享】 詞： 想填就去填 改編： 想編就去編 * * * * * * * * * 香港中文大學基督徒樂隊 2023-2024 年度音樂會 《Rest Note》 * * * * * * * * * 「咔嚓」 剎那、定格。 一幀幀、一幕幕， 吉光片羽， 彷彿因為時間的休止，有了意義。 聽到嗎？大自然的詠嘆。 在迴響。 「 ♫ ♪ ——」 「——」 赫然的停頓，如驚鴻掠影， 或是最獨具匠心的設計。 * * * * * * * * * 場刊傳送門🚪💫 https://heyzine.com/flip-book/4c9358b... * * * * * * * * * 歡迎瀏覽樂隊專頁，了解我們團隊更多：   / wearecucb     / cucbchristianband      / cucbchristianband