يومين بنكهة البيت والبحر 🌿💙 / مقلوبة شامية ووقت عيلة وريحة البحر скачать в хорошем качестве

يومين بنكهة البيت والبحر 🌿💙 / مقلوبة شامية ووقت عيلة وريحة البحر

يومين بنكهة البيت والبحر 🌿💙 / مقلوبة شامية ووقت عيلة وريحة البحر #رهام #روتينات #يوميات #وصفات #مقلوبة #وصفات_تقليدية #وصفاتي #اكسبلور #يومياتي #روتيناتي صباح الخير يا جماعة ☀️ أول يوم من روتيننا، ويومي بلش بطاقة حلوة… قررت أعمل مقلوبة اليوم، وهي من الأكلات اللي دايمًا بتعبي البيت بريحة الشام ودفا البيت ❤ المقلوبة بالنسبة إلي مو بس أكلة، هي طقوس صغيرة من الحب 😋 ريحة الرز والباذنجان دايمًا بتذكرني بلمة الجمعة بالشام… وهي لحظة قلب المقلوبة دايمًا إلها رهبة 😂 بدي أعمل ترتيب سريع للبيت، ما في شي بيريّحني أكتر من إنو البيت يكون نظيف ومرتب وأنا عم بطبخ الترتيب السريع حتى لو بسيط بيخليني أحس إنو كل شي بمكانه، وهيك بقدر أكمل باقي اليوم وأنا مرتاحة نفسيًا بعد الغداء ارتحت شوي، وبعدها صار وقت تدريب ابني لكرة القدم ⚽️ بحب شوفه عم يتدرب… هيك بحس بالتعب الحلو، إنو يومي ما راح عالفاضي وبعد ما خلص الطبخ، لازم نرجّع المطبخ نضيف متل أول 💪 أكتر شي بحب لما بلمّع الغاز… بترجع اللمعة مكانها وبحس براحة غريبة، كأني سكّرت صفحة اليوم بنظام 😍 المساء عنا دايمًا بسيط… جلسة شاي، حكي خفيف وضحك. يمكن تفاصيل صغيرة، بس هي اللي بتعمل معنى اليوم كله 💛 صباح اليوم الثاني ☀️ عطلة… وقررت نطلع على الكورنيش، نغير جو ونشم هوا البحر. أوقات البساطة هي اللي بتجددنا فعلًا عنجد البحر عنده طاقة غريبة… لما بقعد قدامه بحس كل التعب عم يروح، وكل شي عم يرجع مكانه. كم دقيقة تأمل كافية تخليني أرجع مرتاحة وهادية من جوا 🌿 بعد القعدة طلعنا نتغدى بمطعم مشويات… أجواء بسيطة بس مليانة دفى ولمة حلوة 🍢 كل شي كان تمام… حتى اللحظات الصغيرة كانت خفيفة عالقلب والمساء ختمناه كمان بتدريب ابني… سبحان الله، الأيام يمكن متعبة بس بنفس الوقت مليانة رضا ❤ يومين بسيطين… بين شغل البيت والبحر، بين التعب والراحة. ويمكن السر بالسعادة مو بكبر الأحداث، بس بقديش منعيش اللحظة برضا. بشوفكن بالفيديو الجاي، ونهاركن حلو 🌸