In loving memory of Wa Cher Yang скачать в хорошем качестве

In loving memory of Wa Cher Yang

Vam Tsawb Yaj yug lub 8 hli hnub tim 6 xyoo 1961 rau lub zos Npaj Las nroog Xeev Khuam teb chaws Nplog. Vam Tsawb txiv hu ua Xai Vaj Yaj* niam hu ua Zuag Vwj*, thiab niam yau hu ua Chav Thoj*. Txiv muaj niam hlob thiab niam yau, tagnrho cov menyuam muaj 12 leeg nus muag. Muaj 6 leej kwv tij thiab 6 leej muam. Cov muam yog Ntxhi*, Maiv Xis , Diav, Lug, Ntxawm, thiab Npaub*. Cov kwv tij yog Zeb, Choj, Nplooj, Txhim*, thiab Kob*. Vam Tsawb thiab Maiv Lauj Yaj tau los sib qawg ua neej xyoo 1980. Nkawv muaj 4 tug menyuam, 2 tug ntxhais thiab 2 tug tub xws li yog Hnub, Hli (Larry), Peter (Sarah) thiab Paul (Pajzoo). Vam Tsawb muaj 2 txwg tub nyab 1 txwm ntxhais vauv thiab 6 leej xeeb ntxwv (Skye, Natalee, Evan, Summer, Paige, and Blossom). Vam Tsawb yog ib leej txiv zoo nws txawj cob qhia nws tej me tub me ntxhais kom mus kawm txawj kawm ntse thiab mus nrhiav laj kam ua kom lub neej tom ntej thiaj nrog luag muaj noj muaj haus. Vam Tsawb lub neej yog khwv pub rau nws tsev neeg thiab nyiam muab sijhawm mus nrog kwvtij phoojywg uasi. Nws hlub nws poj tub se hlub kwv tij neej tsa tsis nyiam plaub tsis nyiam ntug tsis nyiam xaiv tsis nyiam lus. Nws yog ib tus neeg coj ncaj thiab siab loj siab dav. Rau kev lomzem, nws nyiam yos hav zoo, nuv ntses, thiab mus ncig tebchaws. Nws tu lub vaj tse kom tsis txhob pub nyom tuaj thiab txaus siab rau yam nws muaj. Vam Tsawb yog ib tus ntseeg uas hlub Vajtswv. Nws tau ua kevcai ntxuav rau hnub tim 16 lub 1 hli ntuj xyoo 1994. Nws txojkev ntseeg ruaj khov kho. Nws tuav dejnum ua thawj txwj laug (raug ua peb (3) zaug) rau Hmong Minstry hauv Our Savior Lutheran Church and School (OSL), tshajmoozoo, tus sau nyiaj, thiab pab ntau yam dejnum hauv pawgntseeg txawm haistias lwm tus tsis ua los nws pab saib xyua kom dejnum tiav. Nws nyiam hu nkauj, ntau kibtaj, thiab yog ibtug txiv tsev zoo uas pab txhua tus. Vam Tsawb lub neej txoj pa los xaus rau lub 10 hli hnub tim 24, 2025 no lawm. Nws tau muaj tus mob Leukemia tiamsis nws twb tau ua tiav txojkev sib tw mus tau txojsia mus ibtxhis lawm. Peb tsev neeg nrog rau txhua tus uas tau paub Vam Tsawb yuav nco thiab khaws nws txoj kev siab zoo mus li.