අනන්තවු නව අරහාදී බුදු ගුණ​ - ඉතාමත් දුර්ලභ දේශනාවක්-Ven Nauyane Ariyadhamma Thero скачать в хорошем качестве

අනන්තවු නව අරහාදී බුදු ගුණ​ - ඉතාමත් දුර්ලභ දේශනාවක්-Ven Nauyane Ariyadhamma Thero

ලංකා වාසි ලෝකවාසි ලක්ෂ සංඛායත බෞදයන් උදෙසා දහම් ආලෝකය ලබා දුන් වන්දනීයවූ පුජණියවූ අපවත් වී වදාල ගෞරවණිය නා උයනේ අරියධම්ම නා හිමිපාණන් වහන්සේට ලොවුතුරා සම්මා සම්බුද්ධත්වයම ලැබේවා..!! සාදූ....සාදූ....සාදූ....!! මෙම ධර්ම දානමයේ කුසල් අනුහසින් මටත් ශ්‍රවණය කරන ඔබ සැමටත් ධර්මාවබෝධය පිණිසද, දුක් සහිත සංසාර දුකින් අත්මිදීම පිණිසද, උතුම් වූ අමා මහ නිවන් මග සාක්ෂාත් කර ගැනීම පිණිසමද හේතු වාසනා වේවා.....!!! තෙරුවන් සරණයි! අරහං අප භාග්‍යවතුන් වහන්සේ චතුරාර්ය සත්‍ය අවබෝධ කල සේක - සසර පෙර පුරුදු සමගම සියලු කෙළෙසුන් නැසූ සේක.. සියලු පාපයන්ගෙන් මිදුන හෙයින් ,රහසින්වත් පවු නොකළ සේක.සියලු ලෝ වැසියන්ගේ, උතුම් ආමිස පූජාවන්, අති උතුම් ප්‍රතිපත්ති පූජාවන්, සියල්ලටම සුදුසු වන සේක..බුදුවරයෙකුටම ආවේණික මෙම ගුණයන් හේතුවෙන් අරහං නම් වන සේක. මෙම අරහං ගුණය සීල, සමාධි, පඤ්ඤා, විමුක්ති, විමුක්ති ඥාන දස්සන ලෙස අංග පහකින් යුක්ත ය. සම්මා සම්බුද්ධ අප භාග්‍යවතුන් වහන්සේ, දුක, දුක හට ගැනීම, දුක නැති කිරීම සහ දුක නැති කරන මගද යන පරම සත්‍ය හතර තමන් වහන්සේ විසින්ම, අවබෝධ කරගත් හෙයින් සම්මා සම්බුද්ධ නම් වන සේක.. විජ්ඡා චරණ බුදුපියාණන් වහන්සේ විද්‍යා ඥාණ අට, පසලොස් සරණ ගුණයන්ගෙන් යුතුව, සීල සමාධි ප්‍රඥා යන ත්‍රිශික්ෂාවෙන් සම්පන්නව අවිද්‍යාව නම් මෝහාන්ධකාරය දුරුකල බැවින් විජ්ජාචරණ නම් වන සේක. සුගත ආර්‍ය අෂ්ඨාංගික මාර්ගය හෙවත් මැදුම් පිළිවෙතෙහි ගමන් කරමින් අමා මහ නිවනට සපැමිණි බැවින්ද, යථාවාදී තථාකාරී වන බැවින්ද, ප්‍රිය වචන දේශනා කල බැවින්ද, ප්‍රිය මනාප වූ බැවින්ද බුදුරජාණන් වහන්සේ සුගත නම් වන සේක. ලෝකවිදූ බුදුරජාණන් වහන්සේ තුන් ලෝකය පිළිබඳ සියලු දේ හොඳින් අවබෝධ කරන ලද බැවින් ලෝකවිදු නම් වන සේක. අනුත්තර බුදුන් වහන්සේට සමාන හෝ උසස් ජීවියෙකු ලොව පහල නොවන හෙයින් අනුත්තර නම් වන සේක. පුරිසදම්ම සාරථි දමනය කරන්නට අසිරු දෙව් බඹුන් ද, යකුන්ද දමනය කල බැවින් පුරිස ධම්ම සාරථී නම් විය. සත්ථා දේව මනුස්සානං දෙව් මිනිසුන් ආදී ලෝ වැසි සියළු සතුනට ශාස්තෲවරයාණන් වෙමින් සසර කතරින් ලෝ සතුන් එතෙර කරවන බැවින් සත්ථා දේව මනුස්සානං නම් විය. බුද්ධෝ බුදු රජාණන් වහන්සේ අවබෝධ කරගත් ධර්මය ඒ අයුරින්ම අන්‍යන්ට දේශනා කර අවබෝධ කරදුන් සේක. භගවා - අප භාග්‍යවතුන් වහන්ස සිව්වනක් පිරිසම ඇති කළහ..සියලු ලෝ වැසියන් විසින්ම, ගරු කිරීමට සුදුසුය, ​අප්‍රමාණ වූ බුදු ගුණයන්ගෙන් යුතුය,කීර්තිමත්ය,පිරිවර සහිතය,අධිපතිය,පරාර්ථකාමීය,රාගාදි කෙළෙසුන් නැසූහ,එවන් ගුණයන්ගෙන් යුතු බැවින් භගවා නම් විය. මේ අයුරින් වන බුදුගුණ මෙනෙහි කිරීම තුලින්ම බුද්ධානුස්සතිය වැඩීම ද සිදුවෙයි. සියළු කෙලෙස් නැසූ මහ කරුණා, මහා ප්‍රඥා ආදී ගුණයන්ගෙන් පිරිපුන් බුදුරජාණන් වහන්සේගේ ගුණ කඳ මෙනෙහි කිරීමෙන් සසල සිත් සන්සුන් ව ඉඳුරන් පවා දමනය වෙයි. තෙරුවන් සරණයි..!!