Şəhid pilot Təbriz Musazadənin xatirəsi yad edilib скачать в хорошем качестве

Şəhid pilot Təbriz Musazadənin xatirəsi yad edilib

Aprel döyüşləri zamanı şəhid olan pilot Təbriz Musazadənin xatirəsinə həsr olunan kitab və sənədli film təqdim olunub. Avqust ayında həm də şəhid pilotun doğum günüdür. 2016-cı ildə aprel döyüşləri zamanı ermənilərin vurduğu Mi-24 helikopterində şəhid olan mayor Təbriz Musazadə 1981-ci ildə Gürcüstanın Dmanisi rayonunda dünyaya gəlib. Hərbi əməliyyatlar zamanı göstərdiyi qəhrəmanlığa görə, prezident, ali baş komandan İlham Əliyev Təbriz Musazadəni ölümündən sonra "Azərbaycan Bayrağı" ordeni ilə təltif edib. Kitabın təqdimat mərasimində qeyd olunub ki, Təbriz Musazadənin həyatı və göstərdiyi şücaət gənc nəsillər üçün örnəkdir. Mərasimdə millət vəkilləri, hərbçilər, şəhidin yaxınları və döyüş yoldaşları iştirak ediblər. Şəhidin ailə üzvləri onun xatirəsinə hər zaman böyük ehtiram göstərildiyini bildirir. Xatırladaq ki, Təbriz Musazadə 1999-cu ildə Cəmşid Naxçıvanski adına hərbi liseyi, 2003-cü ildə Azərbaycan Ali Hərbi Təyyarəçilik Məktəbini bitirib. 2011-ci ildə Türkiyədə Uçuş Təhlükəsizliyi kursunun məzunu olub. 2004-cü ildən Azərbaycan Hərbi Hava Qüvvələrində xidmət edən pilot 2016-cı il aprelin 2-də Ermənistan-Azərbaycan qoşunlarının təmas xəttində, Füzuli istiqamətində gedən döyüşlərdə qəhrəmancasına həlak olub.