Скачать с ютуб നാട്ടിൽ സജീവം, വീട്ടിൽ കുടുംബസംഗമം; റിജോ പുറമേ ‘മാന്യനെ‘ന്ന് പ്രദേശവാസികൾ | Chalakkudy Bank Robbery в хорошем качестве

നാട്ടിൽ സജീവം, വീട്ടിൽ കുടുംബസംഗമം; റിജോ പുറമേ ‘മാന്യനെ‘ന്ന് പ്രദേശവാസികൾ | Chalakkudy Bank Robbery

മൂന്ന് മിനിറ്റുകൊണ്ട് ബാങ്ക് കവർച്ച നടത്തിയ ആളെ മൂന്ന് ദിവസത്തിനുള്ളിൽ പോലീസ് പിടികൂടിയിരിക്കുന്നു. വെള്ളിയാഴ്ച ചാലക്കുടി പോട്ടയിലെ ഫെഡറൽ ബാങ്ക് ശാഖയിൽനിന്ന് 15 ലക്ഷം രൂപ കവർന്ന കേസിലാണ് പ്രദേശവാസിയായ റിജോ ആന്റണിയെ പോലീസ് ഞായറാഴ്ച കസ്റ്റഡിയിലെടുത്തത്. റിജോയുടെ വീട്ടിൽനിന്ന് കവർച്ച ചെയ്ത പണവും കണ്ടെടുത്തിട്ടുണ്ട്.   അതേസമയം, ഇന്നലെവരെ തങ്ങൾക്കിടയിൽ സജീവമായിരുന്നയാൾ ബാങ്ക് കവർച്ചയിൽ പ്രതിയായതിന്റെ ഞെട്ടലിലാണ് പ്രദേശവാസികൾ. ഞായറാഴ്ച റിജോയുടെ വീട്ടിൽ പള്ളിവികാരിയും മുനിസിപ്പൽ കൗൺസിലറും ഉൾപ്പെടെയുളളവർ പങ്കെടുത്ത കുടുംബ സംഗമവും നടന്നിരുന്നു. പരിപാടിയ്ക്കിടെ ബാങ്ക് കവർച്ച നടത്തിയ ആളെ പിടികൂടാനാവില്ലെന്ന് റിജോ പറഞ്ഞതായി മുനിസിപ്പൽ കൗൺസിലർ ജിജി ജോൺസൺ പറയുന്നു. കവർച്ചയ്ക്ക് ശേഷവും ഇയാൾ സ്വാഭാവികമായാണ് ഇടപെട്ടിരുന്നതെന്നും അവർ കൂട്ടിച്ചേർത്തു.  കവർച്ചയ്ക്കായി റിജോ ഒരു മാസത്തോളം നീണ്ട ആസൂത്രണമാണ് നടത്തിയതെന്ന് പോലീസ് പറഞ്ഞു. കവർച്ചയ്ക്കിറങ്ങിയ ശേഷം മൂന്നുതവണ വസ്ത്രം മാറുകയും സ്കൂട്ടറിന്റെ മിറർ മാറ്റുകയും ചെയ്തിരുന്നു. പ്രദേശവാസി ആയതിനാൽ സിസിടിവി ഇല്ലാത്ത വഴികളിലൂടെ പരമാവധി സഞ്ചരിക്കുകയും പലതവണ വസ്ത്രം മാറുകയും ചെയ്തത് പോലീസിനെ കുഴക്കിയിരുന്നു. എന്നാൽ, വിപുലമായ അന്വേഷണത്തിനൊടുവിൽ ഞായറാഴ്ച വൈകിട്ട് ലഭിച്ച ഒരു സിസിടിവി ദൃശ്യത്തിലൂടെ പ്രതി റിജോ തന്നെയാണെന്ന് ഉറപ്പിക്കാൻ പോലീസിനായി. ഇയാൾ സഞ്ചരിച്ചിരുന്ന സ്കൂട്ടർ അധികം ഇല്ലാത്തതും അന്വേഷണസംഘത്തിന് തുണയായി. Click Here to free Subscribe: https://bit.ly/mathrubhumiyt Stay Connected with Us Website: https://www.mathrubhumi.com/ Facebook-   / mathrubhumidotcom   Twitter- https://twitter.com/mathrubhumi?lang=en Instagram-   / mathrubhumidotcom   Telegram: https://t.me/mathrubhumidotcom Whatsapp: https://www.whatsapp.com/channel/0029... #chalakkudy #bankrobbery