لا حياة مع اليأس ولا يأس مع الحياة скачать в хорошем качестве

لا حياة مع اليأس ولا يأس مع الحياة

اكيد استخدمنا عبارة 'لا حياة مع اليأس ولا يأس مع الحياة' لما منكون عم منعبر عن استيائنا من مشاعر احباط او حزن او يأس، ومنصير بدنا نقنع حالنا على رفض اليأس إنه يرافق مسيرتنا … والحقيقة أنه حياتنا اليوم صارت تتسم بالمزاجية وكتير تقلبات عاطفية، والسبب بيرجع أنه اليوم طبيعة حياتنا أصبحت بتطلب أقل مجهود بدني وبيأثر على كيمياء الدماغ وافرازات الهرمونات المسؤولة عن شعورنا بالمتعة وكمان عن مشاعر ألمنا ! علمياً المنطقة المسؤولة عن شعور المتعة والألم هي منطقة واحدة وبسموها "أرجوحة الألم والمتعة وكأنه موجود في ميزان 🤼‍♀️ بداخل دماغنا 🧠 بيحتاج بشكل متواصل يحافظ على استقراره منسميه ال ،Homeostasis والي بيصير انه تعرضنا المستمر للشاشة؛ لأجل تتميم عملنا، تتميم مهامنا (ارسال ايميل، انهاء كتابة مشروع)، تواصلنا مع أحبائنا وأصدقائنا، صارت عبر كبسة عالشاشة، وعم بتسبب افراز الدوبامين بسرعة وبكمية كبيرة هدا عم يعمل عنا عدم اتزان. وباللحظة الي منوقف تواصلنا عبر التشات او مسنجر او واتساب و بتوقف لعبتنا على الشاشة منلاقي أنه توقف مصدر إفراز الهرمون، وعشان هيك بصير في عنا فجوة كبيرة وبنفس اللحظة ممكن نحس باكتئاب وبحزن شديد. احبائي اليوم احنا منوصي بإشي منسميه "صيام الدوبامين"فاليوم ضروري نفهم ليش مزاجيتنا عم تتقلب حتى نحافظ على اتزان عاطفي مستقر… عادة صحية نتبناها وهي "صيام الدوبامين" للأمثلة والتوضيحات تابعوا الفيديو عشان توقفوا تقلبات المزاجية غير المفهومة 😊 #الصحه_النفسيه