Qeveria: Vendimi i GJKKO, në kundërshtim me Kushtetutën скачать в хорошем качестве

Qeveria: Vendimi i GJKKO, në kundërshtim me Kushtetutën

Përfaqësuesja e Kuvendit, Mimoza Arbi tha gjatë seancës në Gjykatën Kushtetuese se deputeti gëzon imunitet dhe nuk ndiqet penalisht pa pëlqimin e Kuvendit. Ajo u shpreh se ekzistojnë arsye të forta juridike dhe logjike se pse kushtetutëbërësi ka bërë që edhe ministrat të gëzojnë imunitetin e deputetit. Në vlerësimin e Kuvendit, vendim i GJKKO-së cënon parimin e ndarjes dhe barazisë së pushteteve të sanskionuara në nenin 7 të Kushtetutës, në disa dimensione. “Nga perspektiva e pushtetit legjislativ ndërhyrja gjyqësore në përbërjen e Këshillit të Ministrave që Kuvendi ka miratuar, përbën një cënim të drejtpërdrejtë të kompetencave kushtetuese. Kuvendi ka ushtruar rolin e tij kushtetues të dhënies së besimit, duke vlerësuar programin dhe përbërjen e qeverisë së propozuar nga kryeministri dhe të dekretuar nga presidenti. Ky proces kushtetues që përfshin tre organe të larta të shtetit nuk mund të anashkalohet, ose të pezullohet me një vendim gjyqësor që nuk mbështetet në asnjë dispozitë kushtetuese dhe që i jep pushtetit gjyqësor kompetencë të ndërhyjë në këtë proces. Nga perspektiva e pushtetit ekzekutiv pezullimi i një ministri krijon një situatë ku pushteti gjyqësor ndërhyn drejtpërdrejtë në funksionimin e organeve të larta të ekzekutivit kushtetues. Pezullimi i një anëtari të këtij këshilli kolegjial ndikon drejtpërdrejti në aftësinë e tij për të marrë vendime në fushën e përgjegjësisë së ministrit të pezulluar duke krijuar një pamundësi faktike në ushtrimin e kompetencave kushtetuese të Këshillit të Ministrave”, tha ajo. Më tej shtoi se “Vendimi i GJKKO shkel parimin e balancimit duke krijuar një situatë ku pushteti gjyqësor në ushtrimin e kompetencave të tij procedurale ndërhyn në mënyrë disproporcionale në funksionimeve të dy pushteteve të tjera. Nuk mund të justifikohet thjesht me nevojën e një hetimi penal pasi Kushtetuta ka parashikuar garanci të veçanta procedurale për funksionarët e lartë shtetëror, pikërisht atë për të mbrojtur funksionarin e organeve kushtetuese nga ndërhyrje që mund të paralizojnë veprimtarinë e tyre”. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan