Енді қазақстандықтар көлігімен қалаған күні көшеге шыға алмауы мүмкін скачать в хорошем качестве

Енді қазақстандықтар көлігімен қалаған күні көшеге шыға алмауы мүмкін

Енді қазақстандықтар көлігімен қалаған күні көшеге шыға алмауы мүмкін. Экология министрлігі қаланы көк түтін басқан кезде машинаның нөміріне қарай қозғалысты шектеуді ұсындыю Мысалы, мемлекеттік нөмірдің соңғы цифры 9 болса сіз 2-сі, 4-і, 16-сы сияқты даталарда жүрмейсіз. Ол күндері тек 8 сияқты жұп санмен аяқталатындар ғана қозғалады. Ал бұған жүргізушілердің өзі не дейді? Әкімдіктер бұл тәртіпті қолдана ма? ОРАЗАЙ НҰРТАЙҰЛЫ, тілші: Қазақстандық экологтар Қытайға барып келіп, енді Бейжіңдегі ауаны қорғау тәртібін бізде енгізгісі келіп отыр. Соның бірі көлік нөміріне тікелей байланысты. Министрлік енді түтін қоюланған сәтте бұдан былай осындай соңғы цифрі жұп сандармен таңбаланған көліктерге тек жұп күндері, ал тақ сан болса 1-і,3-і,5-і сынды тақ күндері жүруге рұқсат беруді ұсынды. Бұдан басқа экологиялық кодекстің 205 және 21-бабына сәйкес министрлік әкімдіктерге ауаны ластау, жиынтық есептеулерін әзірлеу, қоршаған орта сапасының нысаналық көрсеткіштерін және ШРЕШ жиынтық томдарын қалыптастыру жөніндегі жұмысты жандандыруды тапсырды. Яғни, экология министрлігі көлік нөміріне байланысты қозғалысты шектеуді ауа тазалығы үшін қолға алмақ. Себебі ведомствоның дерегінше, мысалы Алматының өзінде улы қалдықтың 60 пайызы машинадан шығады. Бір күні тақ сан, бір күні жұп сан дегенді мен қолдаймын. Ол бізге тамаша. Өйткені кейде бір шаруалармен шыққанда, күнде шыға бермейсің ғой, тақ сандықтар ғана жүрген кезде өзіңе белгілі болып тұрады ғой. Есептеп отырасың, бүгін шығамын бүгін көлік аз дегендей. Мысалы менің нөмірім 0. Сонда шығуға болмайды. Бірақ менің баратын тірліктерім көп. Мен сонда сол бір сан үшін ешқайда шықпай, бетіне қарап отырамын ба?! Тәртіпті енгізу-енгізбеу мәселесін әкімдік пен мәслихат шешеді. Ал Алматы әкімдігі қалада ауаны қорғау ережесі 2 ай бұрын ғана қабылданғанын, онда көліктердің нөміріне қарай қозғалысын шектеу көзделмегенін мәлімдеді. Бірақ шаһарға кіретін ескі көліктерге ақша төлету жоспарда бар. АЙДАНА ҚАСЕН, "ЭКО АЛМАТЫ" ЖШС бөлім басшысы: Бірақ оны біз 2029 жылы іске асыруды көздеп отырмыз. Қазір ереже пилоттық жоба ретінде 1 жыл, одан кейін 2027 жылы нормаға сай келмейтін автокөліктерге тыйым салынады. Одан кейін, нормаға келмейтіндерге шара қолдану жалғасады, сонымен қоса ескі көліктерге ақылы қатынау енгізіледі. Ұлттық статистика бюросының дерегінше, Қазақстанда жалпы көлік саны 6 миллионға жуықтаған. Соның 4 миллион 900 мыңы жеңіл машина. Басым бөлігі Алматы мен Астанада тіркелген. #Информбюро #31арна #БастыЖаңалықтар #Новости #31канал