චිත්‍රපට දර්ශනයක් සිහිපත් කළ පොලිස් මෙහෙයුම - අණ නොතැකූ ලොරිය පලායයි | Ada Derana скачать в хорошем качестве

චිත්‍රපට දර්ශනයක් සිහිපත් කළ පොලිස් මෙහෙයුම - අණ නොතැකූ ලොරිය පලායයි | Ada Derana

Ada Derana | ශ්‍රී ලංකාවේ විශ්වසනීය හා ප්‍රමුඛතම පුවත් සපයන්නා චිත්‍රපට දර්ශනයක් සිහිපත් කළ පොලිස් මෙහෙයුම අණ නොතැකූ ලොරිය පලායයි පොලීසියේ මඟ අහුරන්න වෑන් රථයකුත් ඇවිත්... චාවකච්චේරිය ප්‍රදේශයේ නීතිවිරෝධී ලෙස දැව ප්‍රවාහනය කරමින් තිබූ ලොරි රථයක් පොලිස් අණ නොතකා පලාගොස් තිබේ. අදාළ ලොරි රථය චාවකච්චේරිය, සංගුපිඩ්ඩි මාර්ග බාධකයේ දී නතර කිරීමට පොලිස් නිලධාරීන් උත්සාහ කර තිබුණි. කෙසේවෙතත් ලොරි රථය අණ නොතකා එම ස්ථානයෙන් පලා ගොස් ඇති අතර, පසුව පොලිස් නිලධාරීන් දෙදෙනෙකු යතුරුපැදියකින් ලොරිය පසුපස හඹා ගොස් ඇත. එම අවස්ථාවේදී මාර්ගයේ ගමන් කළ කැබ් රථයක සිටි පිරිසක් ද පොලීසියට සහාය දැක්වීමට එක්ව තිබුණි. පසුව වෑන් රථයක් පැමිණ පොලිස් යතුරුපැදියට හා කැබ් රථයට බාධා කරමින් ලොරියට පලායෑමට අවස්ථාව ලබාදී ඇත. මේ හේතුවෙන් ලොරිය ලුහුබැඳ ගියද පොලීසියට අත්අඩංගුවට ගැනීමට හැකිවී නොමැත. පසුව චාවකච්චේරිය පොලීසිය සිදුකළ විමර්ශනවලදී අනාවරණය වී ඇත්තේ, අදාළ ලොරි රථයේ බුරුත දැව කඳන් ප්‍රවාහනය කරමින් සිට ඇති බවය. එමෙන්ම පොලීසියට බාධා කළ වෑන් රථයේ සිට ඇත්තේ, ලොරි රථයේ දැනුම්දීම මත පැමිණි දැව තොගයේ හිමිකරුවන් බවත් අනාවරණය වී තිබේ. මොවුන් කාලයක සිට මෙලෙස නීතිවිරෝධී දැව ජාවාරමේ නිරතව සිටින පිරිසක් බවට හඳුනාගෙන ඇති අතර මේ සම්බන්ධයෙන් ඉදිරි විමර්ශන ක්‍රියාත්මක බව පොලීසිය සඳහන් කළේය. #AdaDerana #News #SriLankaNews #LatestNews #DeranaNews #TVDerana #TrendingNews #ViralNews #SriLanka #SLnews