အမေရိကန်တိုက်လေယာဉ် အီရန်ပစ်ချ ၊ ရှေ့ချုပ်ကို ထရမ့် ထုတ်ပယ်| People's Spring скачать в хорошем качестве

အမေရိကန်တိုက်လေယာဉ် အီရန်ပစ်ချ ၊ ရှေ့ချုပ်ကို ထရမ့် ထုတ်ပယ်| People's Spring

အမေရိကန်တိုက်လေယာဉ် အီရန်ပစ်ချလိုက်တဲ့နောက်ဆက်တွဲအခြေအနေ ဧပြီလ- ၄ ၊၂၀၂၆ ။People’s Spring အမေရိကန်ရဲ့ F-35 အဆင့်မြင့် တိုက်လေယာဉ် တစ်စီးကို ပစ်ချနိုင်ခဲ့ကြောင်း အီရန်ရဲ့ အစ္စလာမ်မစ် တော်လှန်ရေး အစောင့်တပ် (IRGC)က ထုတ်ပြန်ခဲ့ပါတယ်။ အမေရိကန်ရဲ့ ဒုတိယမြောက် F-35 တစ်စီးကို ပစ်ချနိုင်ခဲ့တယ်လို့ IRGCက ပြောပြီး အီရန် မီဒီယာ တချို့ကတော့ လေယာဉ်မှူးကိုတောင် IRGCက အရှင်ဖမ်းမိထားပြီးလို့ ဖော်ပြနေကြပါတယ်။ မတ်လတုန်းကလည်း IRGCဟာ F-35 တစ်စီးကို ပစ်ချခဲ့ဖူးတယ်လို့ ကြေညာခဲ့ပါသေးတယ်။ အဲဒီတုန်းက အမေရိကန် စစ်တပ်က F-35 တစ်စီး အရေးပေါ် ဆင်းသက်ခဲ့ရကြောင်း အတည်ပြုပေမယ့် အသေးစိတ် အချက်အလက်တွေကို မထုတ်ပြန်ခဲ့ပါဘူး။ ဒါပေမဲ့ အမေရိကန် စစ်ရေး သတင်းရင်းမြစ်တွေက လေယာဉ်ဟာ အီရန်ရဲ့ ပစ်ချမှု ခံခဲ့ရတာ ဖြစ်နိုင်ကြောင်း မှတ်ချက်ပေးခဲ့ပြီး လေယာဉ်မှူးက အရေးပေါ် ဆင်းသက်မှုကို ဘေးကင်းကင်းနဲ့ လုပ်ဆောင်နိုင်ခဲ့တယ်လို့ ပြောကြားခဲ့ကြပါတယ်။ F-35တွေဟာ အမေရိကန်ရဲ့ နည်းပညာ အမြင့်ဆုံး ပဉ္စမမျိုးဆက် တိုက်လေယာဉ်တွေဖြစ်ပြီး ရန်သူ့ရေဒါတွေရဲ့ ထောက်လှမ်းမှုကို ရှောင်ကွင်းနိုင်တဲ့ ကိုယ်ပျောက်နည်းပညာ ပိုင်ဆိုင်ထားပါတယ်။ ဒါပေမဲ့ အီရန်ကတော့ အဲဒီ ထိပ်တန်းအဆင့် တိုက်လေယာဉ်တွေကို ထောက်လှမ်းပြီး ပစ်ချနေတာ ဖြစ်တယ်လို့ ကြွေးကြော်ထားတာပါ။ အီရန် သတင်းဌာန တစ်ခုဖြစ်တဲ့ Tasnim ပစ်ချခံခဲ့ရတဲ့ F-35ရဲ့ လေယာဉ်မှူးကို အီရန် ပိုင်နက်ထဲမှာ IRGCက ဖမ်းဆီးထားနိုင်ခဲ့ကြောင်း ဧပြီ ၃ ရက်နေ့မှာ ဖော်ပြသွားပါတယ်။ အီရန် သတင်းရင်းမြစ် တချို့ကလည်း အမေရိကန် တိုက်လေယာဉ်မှူးကို ဖမ်းမိထားကြောင်း ပြောပါတယ်။ အမေရိကန်ရဲ့ ဗဟိုစစ်ရေးကွပ်ကဲမှု ဌာန (CENTCOM)ကတော့ F-35 ပစ်ချခံခဲ့ရတယ်ဆိုတဲ့ ကိစ္စနဲ့ ပတ်သက်ပြီး တရားဝင် မှတ်ချက်မပေးသေးပါဘူး။ ပစ်ချခံခဲ့ရတဲ့ တိုက်လေယာဉ်ရဲ့ အမြီးပိုင်း အပျက်အစီးတွေဆိုတဲ့ ဓာတ်ပုံတွေကို အီရန်က ထုတ်ပြန်ခဲ့ပြီး တချို့ စစ်ရေး သုတေသီတွေကတော့ F-35 မဟုတ်ဘဲ F-15E တစ်စီးရဲ့ အစိတ်အပိုင်းတွေ ဖြစ်နိုင်တယ်လို့ ထောက်ပြနေပါတယ်။ ======= အမာခံသစ္စာစောင့်သိသူ ရှေ့နေချုပ်ကို ထရမ့် ရာထူးကနေထုတ်ပယ် ဧပြီလ- ၄ ၊၂၀၂၆ ။People’s Spring ရှေ့နေချုပ် ပမ်ဘွန်ဒီကို အမေရိကန် သမ္မတ ဒေါ်နယ်လ်ထရမ့်က ရာထူးကနေ ဖယ်ရှားလိုက်ပါတယ်။ ဘွန်ဒီဟာ ထရမ့်ရဲ့ ကာလရှည်ကြာ နိုင်ငံရေး မဟာမိတ် တစ်ဦး၊ အမာခံ သစ္စာစောင့်သိသူ တစ်ဦးလို့ လူသိများသူပါ။ ပြီးတော့ ထရမ့်ရဲ့ အစိုးရအဖွဲ့ လုပ်နေသမျှ ဝေဖန်စရာ ကိစ္စမှန်သမျှကို အပြင်းအထန် ခုခံ ကာကွယ်ခဲ့သူလည်း ဖြစ်ပါတယ်။ ဧပြီ ၂ ရက်နေ့မှာတော့ ထရမ့်က ဘွန်ဒီကို ရှေ့နေချုပ် ရာထူးက ထုတ်ပယ်ကြောင်း ကြေညာချိန်မှာ အဲဒီ အမျိုးသမီးဟာ ပုဂ္ဂလိက ကဏ္ဍတစ်ခုဆီ ကူးပြောင်း တာဝန်ယူသွားမှာ ဖြစ်တယ်လို့ ပြောကြားသွားပါတယ်။ အမေရိကန် အစိုးရ အဖွဲ့မှာတော့ ရှေ့နေချုပ်ဟာ တရားရေး ဝန်ကြီးဌာနရဲ့ အကြီးအကဲလည်း ဖြစ်ပါတယ်။ ဘွန်ဒီဦးဆောင်တဲ့ တရားရေး ဝန်ကြီးဌာနဟာ ကလေးတွေအပေါ် လိင်အမြတ်ထုတ်မှု၊ လူမှောင်ခိုမှု တရားခံ ဂျက်ဖရီ အပ်စတိန်းအကြောင်း စစ်ဆေးတဲ့ အကြောင်းအရာတွေကို ဖုံးကွယ်ဖို့ အားထုတ်ကြောင်း စွပ်စွဲမှုတွေ ကြုံခဲ့ရဖူးပါတယ်။ အပ်စတိန်းဟာ ထရမ့်ရဲ့ မိတ်ဆွေဟောင်း တစ်ဦးဖြစ်ခဲ့ခြင်းကြောင့်လည်း သူ့ရဲ့ အရှုပ်တော်ပုံမှာ ထရမ့်ရော ပတ်သက် ဆက်နွှယ်ခဲ့သလား ဆိုတာကို ဝေဖန် မေးခွန်းထုတ်မှုတွေ ရှိခဲ့ပါတယ်။ ထရမ့်ဟာ သူ့ရဲ့ အစိုးရ အဖွဲ့ထဲက အမျိုးသမီး ဝန်ကြီးနှစ်ဦးကို ဆက်တိုက် ထုတ်ပယ်လိုက်တာလည်း ဖြစ်ပါတယ်။ မကြာသေးခင်ကလည်း ပြည်တွင်းလုံခြုံရေးဝန်ကြီး ခရစ္စတီ နိုအမ်ကို ထရမ့်က ဖယ်ရှားခဲ့ပါတယ်။ အပ်စတိန်းဖိုင်တွေ ကိစ္စမှာ ဘွန်ဒီရဲ့ ကိုင်တွယ်ပုံတွေကို သဘောမကျလို့ သူ့ကို ထရမ့်က ထုတ်ပယ်ခဲ့သလားဆိုတဲ့ မေးခွန်းတွေကိုတော့ ဘွန်ဒီရဲ့ လက်ထောက်ဟောင်းဖြစ်သူ တော့ဒ် ဘလန်ချီက ငြင်းဆိုသွားပါတယ်။ သမ္မတ ထရမ့်ကိုယ်တိုင်ကလည်း သူ့ရဲ့ ရှေ့နေချုပ်ဟာ နိုင်ငံကို လုံခြုံအောင် အများကြီး ကူညီခဲ့တယ်ဆိုတာ အတိအလင်း အသိအမှတ်ပြု ချီးကျူးထားကြောင်း၊ ဘွန်ဒီဟာ အမေရိကန် အစိုးရ ပထမသက်တမ်း တစ်နှစ်တာအတွင်း ထူးကဲတဲ့ စွမ်းဆောင်ရည်တွေကို ပြသခဲ့ကြောင်း ဘလန်ချီက ပြောပါတယ်။ ဘလန်ချီဟာ ဘွန်ဒီရဲ့ ရှေ့နေချုပ် ရာထူးကို လက်လွှဲယူမှာပါ။ ဘွန်ဒီက သူ့အနေနဲ့ ဘလန်ချီဆီ ရာထူးလွှဲပြောင်းရေး ကိစ္စကို အားတက်သရော လုပ်ဆောင်နေကြောင်း၊ ရှေ့နေချုပ်အဖြစ် တာဝန်ယူခွင့် ရခဲ့တာဟာ တစ်သက်စာ ဂုဏ်ယူရမယ့် အမှတ်တရ တစ်ခုဖြစ်ကြောင်း ပြောကြားခဲ့ပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA