“ပြည်သူကိုကယ်ထုတ်သော စစ်ဆင်ရေး” အတွင်း ကာကွယ်ရေးရဲဘော် ၁၀ ကျော် ကျဆုံး скачать в хорошем качестве

“ပြည်သူကိုကယ်ထုတ်သော စစ်ဆင်ရေး” အတွင်း ကာကွယ်ရေးရဲဘော် ၁၀ ကျော် ကျဆုံး

video - ပဲခူးတိုင်း၊ ညောင်လေးပင်ခရိုင်၌ အာဏာသိမ်းစစ်ကော်မရှင်တပ်က ဖမ်းဆီးထားသည့် ပြည်သူ ၃၀၀ ကျော်အား ကယ်ထုတ်နိုင်ခဲ့သည့် စစ်ဆင်ရေးအတွင်း ကာကွယ်ရေးရဲဘော် ၁၁ ဦး ကျဆုံးခဲ့ကြောင်း ပဲခူးတိုင်း စစ်ဌာနက ယနေ့ (မတ်လ ၁၀ ရက်) တွင် ထုတ်ပြန်သည်။ (ပဲခူးတိုင်း စစ်ဌာန) ရောင်နီ မဇ္ဈိမ ။ ။ ပဲခူးတိုင်း၊ ညောင်လေးပင်ခရိုင်၌ အာဏာသိမ်းစစ်ကော်မရှင်တပ်က ဖမ်းဆီးထားသည့် ပြည်သူ ၃၀၀ ကျော်အား ကယ်ထုတ်နိုင်ခဲ့သည့် စစ်ဆင်ရေးအတွင်း ကာကွယ်ရေးရဲဘော် ၁၁ ဦး ကျဆုံးခဲ့ကြောင်း ပဲခူးတိုင်း စစ်ဌာနက ယနေ့ (မတ်လ ၁၀ ရက်) တွင် ထုတ်ပြန်သည်။ ပြီးခဲ့သည့် မတ်လ ၅ ရက်နေ့က စစ်ကော်မရှင်တပ်၏ ပိန်းဇလုပ်မြို့အခြေစိုက် ခြေလျင်တပ်ရင်း ခလရ(၂၆၄)၊ ခမရ(၂၀)၊ ခမရ(၄၃၉) ပူးပေါင်းစစ်ကြောင်းသည် KNU တပ်မဟာ (၃) နယ်မြေဖြစ်သည့် လယ်ဒို (ကျောက်ကြီး) မြို့နယ်၊ ရေတွင်းကုန်းကျေးရွာအုပ်စုရှိ အရပ်သားများကို ဖမ်းဆီးသွားခဲ့ခြင်း ဖြစ်သည်။ ထိုသို့ ဖမ်းဆီးခံထားရသည့် ဓားစာခံပြည်သူ ၃၀၀ ကျော်ကို အမှတ် (၂) စစ်ဆင်ရေးနယ်မြေ၊ ပဲခူးတိုင်းစစ်ဌာန ကွပ်ကဲမှုအောက်ရှိ တပ်ရင်းတပ်ဖွဲ့များ၊ ကရင်အမျိုးသားလွတ်မြောက်ရေးတပ်မတော်၊ တပ်မဟာ (၃) ကွပ်ကဲမှုအောက်ရှိ တပ်ရင်းတပ်ဖွဲ့များ ပူးပေါင်း၍ ကယ်ထုတ်နိုင်ခဲ့ခြင်းဖြစ်ကြောင်း ဆိုသည်။ “စစ်ဆင်ရေးအတွင်း ပဲခူးတိုင်းစစ်ဌာနမှ ရဲဘော် ကိုးဦး၊ KNLA တပ်ရင်း (၇) နှင့် တပ်ရင်း (၉)မှ ရဲဘော် နှစ်ဦး ကျဆုံးခဲ့ပြီး ခုနစ်ဦး ပြင်းထန်ဒဏ်ရာရခဲ့ကြောင်း” ပဲခူးတိုင်းစစ်ဌာန၏ ယနေ့ ထုတ်ပြန်ချက်တွင် ဖော်ပြထားသည်။ “ပြည်သူကိုကယ်ထုတ်သော စစ်ဆင်ရေး” ဟု အမည်ပေးထားသည့် ထိုတိုက်ခိုက်မှုကို ပဲခူးတိုင်းစစ်ဌာန ၊ဗျူဟာ (၂၅) ကွပ်ကဲမှုအောက်ရှိ (၃၇၀၂) တပ်ရင်း၊ Spring Warriors တပ်ရင်း၊ အထူးကွန်မန်ဒိုတပ်ရင်း၊ ဗျူဟာ (၂၆) ကွပ်ကဲမှုအောက်ရှိ တော်ဝင်ဒေါင်းတပ်ရင်း၊တောကျီးကန်းတပ်ရင်း၊ (၃၇၀၃) တပ်ရင်း၊ KNLA ကွန်မန်ဒိုတပ်ဖွဲ့များ၊ KNLA တပ်ရင်း (၇)၊ တပ်ရင်း (၉) နှင့် ဒရုန်းတပ်ဖွဲ့များ ပူးပေါင်းလုပ်ဆောင်ခဲ့ခြင်းဟု ဖော်ပြသည်။ တိုက်ပွဲအတွင်း အာဏာသိမ်းစစ်ကော်မရှင်တပ်ဘက်မှ ၁၀ ဦးကျော် သေဆုံးကာ ၂၀ ကျော် ဒဏ်ရာရသွားကြောင်း ထုတ်ပြန်ချက်က ဆိုသည်။ လက်ရှိတွင် အာဏာသိမ်းစစ်ကော်မရှင်ထံမှ ပြန်လည်ကယ်ထုတ်လာနိုင်သည့် ပြည်သူ ၃၀၀ ကျော်ကို ထိခိုက်မှုမရှိ ဘေးရန်ကင်းစွာဖြင့် ပြည်သူ့ကာကွယ်ရေးတပ်ဖွဲ့ဝင်များနှင့် ကရင်အမျိုးသားလွတ်မြောက်ရေးတပ်မတော် ပူးပေါင်းတပ်များကလွတ်မြောက်ရာဒေသများသို့ ကူညီပို့ဆောင်ပေးခဲ့ကြောင်း ပဲခူးတိုင်းစစ်ဌာနက ထုတ်ပြန်ထားသည်။ KNU ၏ မတ်လ ၉ ရက် ထုတ်ပြန်ချက်တွင် လယ်ဒို(ကျောက်ကြီး) မြို့နယ်သို့ စစ်ကော်မရှင်စစ်ကြောင်း ဝင်ရောက်လာပြီးနောက် ကလေးငယ်များအပါအဝင် အရပ်သား ၃၀ ဦးသည် အုပ်စုလိုက်သတ်ဖြတ်ခံရပြီး ၁၆၀ ကျော် ဖမ်းဆီးခံခဲ့ရကြောင်း ဖော်ပြထားသဖြင့် ပဲခူးတိုင်း စစ်ဌာန၏ ထုတ်ပြန်ချက်နှင့် ဖမ်းဆီးခံအရေအတွက်မှာ ကွဲလွဲမှု ရှိနေသည်ကို တွေ့ရသည်။ အာဏာသိမ်းစစ်ကော်မရှင်တပ်သည် နိုင်ငံရေးထွက်ပေါက်အဖြစ် အတုအယောင်ရွေးကောက်ပွဲကို ကျင်းပခဲ့သော်လည်း ထိုကာလများတွင် လူ့အခွင့်အရေးချိုးဖောက်မှု ကျူးလွန်ရုံသာမက နောက်ပိုင်းကာလများတွင်လည်း လူ့အခွင့်အရေး ချိုးဖောက်မှုများကို ပိုမိုကျူးလွန်လျက်ရှိကြောင်း KNU က ထုတ်ပြန်ထားသည်။ စာတည်း။ ။ ‌နောင်နောင် video - ပဲခူးတိုင်း၊ ညောင်လေးပင်ခရိုင်၌ အာဏာသိမ်းစစ်ကော်မရှင်တပ်က ဖမ်းဆီးထားသည့် ပြည်သူ ၃၀၀ ကျော်အား ကယ်ထုတ်နိုင်ခဲ့သည့် စစ်ဆင်ရေးအတွင်း ကာကွယ်ရေးရဲဘော် ၁၁ ဦး ကျဆုံးခဲ့ကြောင်း ပဲခူးတိုင်း စစ်ဌာနက ယနေ့ (မတ်လ ၁၀ ရက်) တွင် ထုတ်ပြန်သည်။ (ပဲခူးတိုင်း စစ်ဌာန) #ပြည်သူကိုကယ်ထုတ် #ကာကွယ်ရေးရဲဘော် #ပဲခူးတိုင်း စစ်ဌာန #ပိန်းဇလုပ် #ညောင်လေးပင် #Mizzima ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ https://bit.ly/2VhJ12U or https://tinyurl.com/donatemzm Subscribe Mizzima TV :    / @mizzimanewstv   One link to follow all Mizzima platforms: https://mizzima.carrd.co