میرزاعلی معجز شبستری، ایستمز، صفحه ۷۳ скачать в хорошем качестве

میرزاعلی معجز شبستری، ایستمز، صفحه ۷۳

ایسته‌مز بیر کاسه آش، اون قاشق، سکیز نمکدان ایستمز بش لپه، آلتی نخود، چورتکه قلمدان ایستمز پهله‌لندیر بیر چوبوق، لعنت به قلیان آی داداش آغلارام هجرونده چون ابر بهاران آی داداش چوب قاشق، هیسلی سماور، پیشلی چایدان آی داداش زربناره سوزنی، دومدوکلی فنجان ایسته‌مز بیلمیرم آیا ندندور؟ گیرمیری سؤز بینوه باشوی سالّا اشاغه فکروی گئی اگنووه قلبووی آت کربلایه، بوینووی قوی چینیوه آغلاماق تاب و توان، پالوده دندان ایستمه‌مز قاشلارون اویناتما، اَیمه گؤزلرون انصاف ائیله بینیمی دلدی او بیغ، ییغ سؤزلرون انصاف ائیله منبری سیندیرمه، دَلمه دیزلرون انصاف ائیله بیر قاشق شورگؤز یاشینه، بوقدر قان ایسته‌مز قار یاغوب دامدا قالوبدور، بیر کوره‌ک محتاجیم اوچ یوموتا، بیر قاشق یاغ، بش چوره‌ک محتاجیم روز چَرشنبه اَت آلساخ، بیر دیبک محتاجیم هرکسون وار نذری وئرسون، یوخدی دان، دان ایسته‌مز ای بهار بد طبیعت ای ربیع بی نظام قویمادون باغدا، حَیطده، بیر اریک بیر تک بادام مین اوچیوز اوتوز ایکی، لعنت سنه ای پست آدام سَن دییردون قیش چیخیب، سات کورکی یورقان ایسته‌مز احتیاد ائیله بو سؤزده، گئت بلدلردن سوروش گر موافق گلدی طبعه دور، و الّا چیخ سوغوش سؤلیوم یا سؤله میم؟ آیا بش اون دامجی یاغوش آلتی ساعت رعد و برق و باد و طوفان ایسته‌مز بیر آدام یوخدور، بو نار عشقی خاموش ائیله‌سون عاشق مفتون و مجنونی، در آغوش ائیله‌سون بش یاشینده قیز، محبت امجگین نوش ائیله‌سون قیرخ یاشیندا نرّه‌ خر اَر، شیر و پستان ایسته‌مز دلبرا ابرولرین جان گؤزلرین ایمان آلیر نئیله‌سین بیچاره عاشیق قتلنه فرمان آلیر بولدوغون ائیلر چوره‌کچی، آلدیغین دیوان آلیر هر کسه معلوم بیرزاد، گونده اعلان ایسته‌مز بو گوزه‌للوخدا یاراتمیش، حق اونی عاشقلره اللرون قربانیم، جانا توخونما ائللره اون یاشیندا اوغلانون،آدی یازیلمیش دفتره بوندا بیر زاد یوخ عمو، لعنت به شیطان ایسته‌مز سقلّی چیخمیب هله، توکسوزدی، استاد ایستیری اوینادیر قاش و گؤزون ، البتّه بیر زاد ایستیری بینوا آدین اونودموش، گزمه‌دن آد ایستیری نمره قیرخ بش، کوش چفر ملک، سهو و نسیان ایستمه‌مز غیبت اولموش کاریمیز، بیزلرده یوخدور مشغله یاخشی مشغول ائیله‌میش، عورتلری بو مسئله جَرگه یوخ جینده دوشکجه، لازم اولسون مشعله یاخچی صنعتدور جهالت، علم و عرفان ایسته‌مز اختیار غربت ائتمیم نئیلیوم ای مفته خور ایستیسن بی مزد و اجرت، اؤینیوم ای مفته خو؟ مملکتده یوخدو بیر زاد چینیوم ای مفته خور هیچ مسلمان قارنین آج، اگنین پریشان ایسته‌مز یایدا قار، عطاردا دوز، بقالدا قیر اولماز نییه؟ مسلماندا وارلی، کافرده فقیر اولماز نییه؟ دَلی‌ده عقیل، سفهده هوش اولماز نییه؟ ایت کفن، ائششک چراغ، کاسب بادمجان ایسته‌مز