خاطرة عن الزيارة الموسمية لزاوية تماسين скачать в хорошем качестве

خاطرة عن الزيارة الموسمية لزاوية تماسين

#الطريقة_التجانية #الزاوية_التجانية_تماسين خاطرة عن الزّيار ( #الزّيارة_الموسمية_لتماسين ) 🔹️ 💠 🔹️ شيء قلقّني ما لقيت له جواب يا من عندك خَبره، راني محتار ويهني ذيك القعدة و اللّمة تع الأحباب شباب و رجّالة، صغار مع كبار و روايح في الجوّ مَزْكية تَطياب بخور و عنبر، مسك و عطار ملايكة مصفوفة على كلّ الأَبواب تْهنّي كل من حبّ في الله، و جا زار بَدت الطّلبة تْجوّد فكلام التّواب بجاهه توب علينا، يا ربّي يا غفّار هاذي صغار بالعود يذكرو في لَصحاب و يمدحو عالنبّي، قصايد و اشعار و هاذي كبار بالطّبلة تمدح في لقطاب و عن مقام الشّيخ يروو في الاخبار مقامه راهو ناله من عند الوهّاب مقامه راهو عالي، طير بين لطيار في الشّدة معروف عزيز و مهاب ما يقبل فاحبابه، عليهم نغّار في اللّين معروف من قصده ما خاب الكبير إذا خَيّب ، راو عليه العار أحبابه يقولوا هُو مفتاح الباب قدّاه فتح عليهم أسرار و أذكار كلامه معدول و كلّو صواب كلامه موزون، ماشي ثرثار يوصّي في احبابه لا تاذي لا تغتاب كلّ من هزّ وردي محسوب من الدّار وَرده مورود من سُنّة و كْتاب يا سعد للي هزّه، ما يشوفشي النّار هيلالة و صلاة عن سيّد لقطاب تملا قلبك نور، من بعد استغفار ثم جُو رجّالة بسْبَح العنّاب وجوههم كيف البدر ما بين الاقمار يا سيدي جيناك عن وردك طُلاّب توصّلنا للنبّي، يولي لينا جار طلبكم كريم مقبول و مُجاب مشروط تتّبعوا ، واش قالو لَكْبار حافظوا عالصّلاة مهما تكن لسباب و رضّو والديكم تكونو من لبرار إذا زرت غيري يتغلق عليك الباب وفّي بعهدك، لو يحطّو عليك حجار بِكلمة " قبلنا " عادو من لحباب بضمانة النبّي فازو بالاضفار بسرّ الفاتح و فاتحة الكتاب يعقد الرّجالة على بنات بْكار و هيا نهزّو ايدينا محتاج و طَلاّب ربّي هو العاطي، غنيّ و ستّار كنا نستنّو يحضر الّلي غاب طوّل في غيابه، و غابو الحضّار هذا أمر ربّي و أمره غلاّب حكيم في حُكمه ، هو الجبّار يجبرنا و نجتمعو من بعد الغياب نسعدو بالشّيخ، نشوفوه في #زِيّار 🔹️الجمعة 05 مارس 2021