Շոգի Անձրեւ Ծիածան скачать в хорошем качестве

Շոգի Անձրեւ Ծիածան

«Ո՞վ է Գիտակը»-ը ծրագրի հովանաւոր՝ Արեւելեան ԱՄՆ-ի Համազգայինի Շրջանային Վարչութիւն Շոգի անձրեւ եւ ծիածան Երբ ովկիանոսներու, ծովերու, լիճերու եւ գետերու ջուրը արեւի ջերմութենէն կը տաքնայ, կը վերածուի կազի, որ կը կոչուի շոգի։ Ջուրէն կազի փոփոխման ընթացքը կը կոչուի շոգիացում։ Դէպի երկինք բարձրացող շոգին օդին մէջ կը սկսի պաղիլ՝ վերածուելով ջուրի կաթիլներու, որոնք իրարու քով գալով ու սառելով կը կազմեն ամպեր։ Շոգիէն ջուրի կաթիլներու փոփոխման ընթացքը կը կոչուի խտացում։ Երբ մպերը կը սկսին ծանրանալ, ջուրը երկինքէ կը սկսի վար թափիլ անձրեւի, կարկուտի կամ ձիւնի տեսքով։ Այս ընթացքը կը կոչուի վայրահոսում։ Այսպէս, երբ անձրեւ, կարկուտ եւ ձիւն կը տեղայ, այդ ջուրերը կը լեցուին լիճերու, ծովերու, գետերու եւ ովկիանոսներու մէջ, իսկ այս ընթացքը կը կոչուի հաւաքում։ Ուրեմն, ջուրի շրջանը ունի շարունակական ընթացք՝ շոգիացում, խտացում, վայրահոսում եւ հաւաքում։ Իսկ անձրեւէն ետք երեւացող ծիածանը ի՞նչպէս կը կազմուի. Մեր տեսած արեւի լոյսը կազմուած է եօթը տարբեր գոյներէ՝ կարմիր, նարնջագոյն, դեղին, կանաչ, կապոյտ, լազուր, այսինքն գոց կապոյտ եւ մանուշակագոյն․ ուրեմն, երբ արեւու շողերը կ՝անցնին անձրեւի կաթիլներուն մէջէն, արեւի լոյսը կ՝երեւի իր բոլոր գոյներով՝ ծիածանի տեսքով։ Ծիածանը միշտ կ՝երեւի գոյներու նոյն շարքով եւ կ՛երեւի կիսակլոր կամ կամարաձեւ տեսքով, երբեմն ալ կլոր Իրականութեան մէջ ծիածանը միշտ ունի կլոր ձեւ, նոյնիսկ երբ մենք զայն կամարաձեւ կը տեսնենք, այն ժամանակ անոր մնացած մասը ծածկուած կ՛ըլլայ ամպերով։ Ծիածանը ամբողջական կլոր տեսքով տեսնելու համար պէտք է ամպերէն բարձր ըլլանք, օրինակ՝ օդանաւի մէջ։ Ծիածանի բոլոր գոյներն ալ գեղեցիկ են, իսկ ամենագեղեցիկները՝ Կարմիր կապոյտ եւ նարնջագոյն են չէ՞ Այո՛, որովհետեւ այդ գոյները, մեր եռագոյն դրօշակի գոյներն են։