香港離戰爭機本唔遠 黃世澤澤論四方 2025年3月29日 скачать в хорошем качестве

香港離戰爭機本唔遠 黃世澤澤論四方 2025年3月29日

#香港 #中國 #戰爭 好多人都以為香港離 戰爭 好遙遠，尤其英國表面睇嚟，因為俄烏戰爭激化嘅緣故，可能更接近。只不過，現實歐洲只要有備戰，面對已經國力大損嘅俄羅斯，仍然可以保住和平。但香港就另一回事，如果你認為普京唔理性，好不幸，習近平比起普京更加瘋狂，而亞洲更有理由開戰，而偏偏又未好好備戰。 香港就喺 戰爭 舞台中心 其實英國離烏克蘭相當遠，而俄國嘅經濟實力，能否支持一場全歐大戰都係疑問，希特拉可以搞世界大戰，其實有賴威瑪共和政府已經利用地產馬克去重整德國經濟，而德奧合併得到嘅奧地利庫房儲備，以及奧地利維也納盆地嘅油田，令德國有足夠嘅擴軍資本。但俄國嘅經濟，經歷多年制裁，其實普京並無拒絕停火嘅條件。但中國雖然經濟衰敗，只不過香港加上中國嘅外匯儲備，如果無被貪污官員虧空嘅話，其實係有一筆相當可觀嘅戰爭資本。至少比起俄羅斯同北韓，更有加財政實力去打仗。以拿破崙對戰爭融資嘅標準，北韓只係嘴炮層面係有佢理由，因為佢空有核技術，都未有資本去量產和應用。 更何況香港嘅地理位置，本身已經十分之近火藥庫所在嘅台灣，喺英國管治年代，香港扮演正係兩岸之間的中立地帶，換言之，地理上香港就係某程度上嘅中國邊疆，咁點可能唔會捲入戰爭。正如俄國庫斯克同別爾哥羅德最終都捲入在戰爭中，甚至波蘭、波羅的海三國都要長期備戰，因為只要你地理上同戰場相當近，你就要有戰爭蔓延嘅準備。軍人為了策略去擴大戰場，係唔會考慮到一般平民百姓嘅安危。無論台灣定中國軍方，當戰爭關乎佢哋嘅存亡果陣，仲會理香港平民安唔安全？ 更重要嘅係，普京以其情報人員出身，本身有相當學歷，甚至都精通外國語文，見過世面，玩民主選舉一套都玩得不錯，照樣可以蠢到發動戰爭入侵烏克蘭，令俄國陷入國力大幅衰退嘅境地，請問學歷，以至冷靜程度遠遠不及普京嘅習近平，又會做出怎樣的決定。習近平好明顯唔係果啲，讀書唔多，但頭腦清楚明事理果種人。佢喺TikTok以至長和系出售全球碼頭港口一事嘅表現，都可以睇到呢個人嘅本質，如果佢魯莽咁發動大戰，唔會有人意外，亦唔會有人制衡到佢，因為中國既無反對派，而軍隊係佢個人嘅私人衛隊，暫時睇唔到有任何跡象，習近平會失去佢對槍桿子嘅控制。 君子不立危牆下，更何況香港經濟本來已經好脆弱，離開香港本來就係最好嘅備戰，歐陸國家嘅住屋，仍然有容許你按政府指示囤積物資備戰，但香港寸金尺土，請問你有幾多地方去囤積物資？而且歐洲軍隊係依照美國制度而編制嘅軍隊，佢哋嘅物流比較強，加上民主國家政治必須向人民負責，但中國政府係一個點嘅政府，其實大家都心照，所以對香港人，最好嘅備戰就係離開香港，仲要提早離開，因為香港地理位置，西方國家安排撤僑嘅難度太高，你無變成中國嘅人質，你已經要去還神。 只要習近平同香港地理嘅基本因素不變，香港人係必要對 戰爭 作出準備，可以參考西方國家俾國民嘅指引，但有幾多適香港嘅條件使用，卻係一個謎。當然，依家要搵和平樂土都唔係咁容易，因為呢次大戰，可能比二戰仲要大，但移居西方總好過留喺香港。 #英國 #War #China #Uk #hongkong #習近平 #4K #黃世澤 #澤論四方 https://martinoei.com/