Amon lès Picårds èt lès Normands 1 скачать в хорошем качестве

Amon lès Picårds èt lès Normands 1

I gn a saqwantès samwinnes, mi vèlo (li lomé Tièsse di boû) m’ a amwinrné fé on grand toû amon lès Picårds èt lès Normands. Come dins lès ôtes films qui dj’ a fêt dvant, dji tchafîye bråmint è walon, su totes sôtes d’ afêres. Mins ç’ côp-ci, c’ è-st one miète ôtrumint, pasqui, tot trèvåtchant l’ payis qu’ on-z î djåze picård, dj’ a yeû l’ ocåzion do rèscontrer Raymond èt do taper ‘ne divise avou lu — lu è picård, mi è walon. Do côp, si v’s avoz håsse di vèy èwou ç’ qui Tièsse di boû m’ a miné, di m’ ètinde dîre dès bièstrîyes è walon, di fé on ptit coûr sul vî walon, èt d’ ètinde èt do vèy do picård, lès deûs vidèyos qu’ dj’ a fêt tot pèdalant sont por vos. Målureûzmint, dji n’ so nén fwârt bon po fé dès vidèyos: li mène tronne tote, èlle èst brouyîye pa moumints èt l’ son n’ èst nén todi fwârt clér. Tantia qu’ dj’ a bén manké dèl disfacer platèzak. D’ on ôte costé, dji m’ a dit qu’ ça sèreut tot l’ minme damadje, èt qu’ ça n’ sèreut nén fwârt binamé di m’ pårt èviè Raymond, qui m’ a rcî si djintimint è s’ måjon. Do côp, vo l’ la tot l’ minme, li vidèyo, mågré qu’ èlle a stî fête pa on pawène. Li deûzinme mitan, qui vos mwin’nrè djusqu’ èl Normandîye, èle chûrè… qwand dj’ årè l’ tins. — Wêtîz l’ Agince d’el région pour el langue picarde (https://languepicarde.fr/) po vèy tot çou qu’ lès picårds fièt d’ bén po leû lingadje: plakes di reuwe, fièsses, noûmots, dicsionêre francès-picård («pan-picard (…) allant vers une standardisation»).