Облыстық фтизиопульмонология орталығында 326 науқас ем алып жатыр скачать в хорошем качестве

Облыстық фтизиопульмонология орталығында 326 науқас ем алып жатыр

Сәуір айынан бастап Ақтөбеде коронавирус инфекциясына шалдыққандардың саны қайтадан өсті. Қазіргі күні облыстық фтизиопульмонология орталығында 326 науқас ем алып жатыр. Орталықтың бас дәрігері Ерлан Тәтімовтің айтуынша, дайындалған 500 кереуеттің бәрінде науқастар жатыр. Бүгінгі таңда 40 орын ғана бос тұр. Жансақтау бөліміне өткен аптадан бері 19 адам түскен. Сәуір айынан бері коронавирусқа шалдыққандардың саны күрт өскен. Бірақ тұрғындар арасында өткен жылғыдай үрей жоқ. Вирус анықталса, бірден қаралып, ауруханаға орналасуда. Облыстық фтизиопульмонология орталығының бас дәрігері Ерлан Тәтімов келген науқастарды кейін қайтарып жатқан жоқпыз, дейді. Провизорлық ауруханада дәрі-дәрмек, маман жеткілікті. Өткен жылы қажетті аппараттар алынған. Күніне 80-85 адам келеді. Оның ішінде дәрігердің кеңесін алатындар бар. Бұл індетпен ел болып күресуіміз керек. Топтасып ас ішіп, отбасылық кештерді ұйымдастыруды тоқтата тұру керек. Вирус барлық жастағы адамдарға қауіпті. Қазір адамдардың барлығының көзі ашық, сауатты, елдегі жағдайды біліп отыр. - дейді Ерлан Тәтімов. Аурухананың жансақтау бөлімінде 19 адам жатыр. Науқастардың туыстары аурухана ішіне кірмейді. Тәртіп қатаң. Бас дәрігер тұрғындарға арақашықтықты сақтап, медициналық бетперде киіп жүру керектігін ескертті. Облыстық фтизиопульмонология орталығына биыл күрделі жөндеу жүргізілмек. Жөндеу жұмыстарына 1 млрд теңгеден аса қаржы бөлінген. Орталыққа барар жол жөнделіп, ғимараттың қасбеті адам танымастай өзгермек. Ауруханаға кірер есік Қонаев көшесі жағына ауыстырылады. Бұл тұрғындар үшін ыңғайлы болмақ. Сайт телеканала http://www.rikatv.kz/ Twitter   / rika_kz   Вконтакте https://vk.com/rikatv