AW TOUPA HONG LENG IN || Lemkim скачать в хорошем качестве

AW TOUPA HONG LENG IN || Lemkim

music Track    • AW TOUPA HONG LENG IN || SOUND TRACK   A masa in La siam takmai a hon saksak Lia Lemkim tung ah kipahthu ka gen hi. Maban ah La tamsem sathei ding in Pathian in lamzangna pia in makaih tontung hen chihleng ka deihsakthu kakhak hi. AW TOUPA HONG LENG IN Singer: Lemkim Tune: V. Ginmuansiam Music Recording: Green Studio Videography & Editing: Lamka Video Nikum November 2024 khabul a kipan in sung hatlou nei in ka dam kholkei a Dwarka Sector-6 New Delhi a Manipal Hospital ah Doctor kiang zuan in ka buaiden hi. Test dingtuam² tampitak zoh ahihnung in a loutheilou a Operation a lakkhiak ngaiding dinmun bang in kana dingkha hi. Date: 17th November, 2024 zingkal baihtak a Admission bawlding in theihsak in ka om hi. Pathian hehpihna in hiai nimah in lamzang tak in operation hon bawlpah ua, Date: 18th November, 2024 in hon discharge uhi. Huaibang hun in lungsim tawng tuh thomhau vungvung in a khattang theimah² mai hi. Kei a kinga ka Tapa kum 9ys hipan phetlel ka en a ka hehpih petmah a hihdamna tawitupa Pathian kiang ah sun leh zan in a sukdamna ngen in ka thum den hi. Lungtang tawngnung pen a kipan Pathian ka poimohdante leh amah ka sapna thute La in ka hon suahkhia hi. Tuni tanpha lauhthong huaithei dinmun lak a kipan suahtaakna hon bawlsak a, hatna leh damna hon pepa Pathian in minthanna, thupina leh pahtawina tengteng tangta hen.🙏🏻 Huan keibamg a damna lunggulh a ngai vungvung mitampite a ding a koppih theih La hiding in Pathian in hon vualzawl sak henla, ngaikhetu tengteng leng na vek un a kha in hon ompih chiat hen aw. Lyrics: Elcy Neihsial (Phuahni: 19th November, 2024) 1. Ka khualzinna simlei tung ah, Huihsia vuahsia’n hon tuamzel a; Mangbatna leh lungdonnate’n, Ka machiang khimbang hon ziingsak zel. Cho: Ka lei taksa naa theiding a siam, Omlai in duangtham gubang hon zetchiang in; Laidip hawm in lungziinnate’n hon tuam, Halhna damna kangai honghuh in TOUPA. 2. Ka mihinna dengdel takmai, Dak khutbet ging banglel ahi; Na panpihna kangai TOUPA, Ka hinna hon bawlhoih saknawn in. 3. Ka simlei nunna detdou lou, Bah leh ngui beidong in omzel; Panpihtu nai gige TOUPA, Hambang hon huai gige’n aw laukha’n. 4. Lungtang tawlngakna ding neilou, Dotding kuppih dingzong neikeng; Suanding belhding leng kanei lou, TOUPA nang kon neihkhak kipaklua ing. ********* Note: Re-Upload Is Strictly Prohibited