Gupfa yarapfuye, ariko se Col BAGOSORA ni muntu ki? скачать в хорошем качестве

Gupfa yarapfuye, ariko se Col BAGOSORA ni muntu ki?

COLONEL THEONESTE BAGOSORA NI MUNTU KI? Colonel Theoneste BAGOSORA ni izina rizwi cyane iyo rihujwe na Jenoside yakorewe abatutsi kuko ni gake wasanga ikintu kivuga ku itegurwa n’ishyirwamubikorwa rya Jenoside yakorewe abatutsi ngo gisige BAGOSORA. Kuri bamwe niwe Mucurabwenge wa Jenoside uza imbere y’abandi bose hari abanditsi bamwise Henrich Himmler w’Umunyarwanda.HIMMLER ni Umunazi wayoboraga Itsinda ry’abadage b’abanazi rya Schutz Staffer na rifatwa nk’ubwonko n’imashini ya jenoside yakorewe abayahudi ya Holocaust cyangwa Shoah rero BAGOSORA agereranwa na Himmler kubera Uruhare rwe muri Halacaust bakagaragaza ko Bagosora na Himmler ari bantu bamwe mu bijyanye no gukora Jenoside.uyu BAGOSORA yagaragagaye mu migambi karundura yo gutsemba abatutsi kurusha undi wari we wese.BAGOSORA ashinjwa byinshi mu Gutsemba abatutsi.uyu BAGOSORA niwe wari ukuriye akanama k’abasirikare bakuru kashyizweho na Perezida HABYARIMANA kiswe “Le Cerveau du Genocide “ cyangwa se Ubwonko bwa Jenoside.uyu rero Theoneste BAGOSORA niwe tugiye kugarukaho byihariye mu kiganiro cyuyu munsi byinshi mu byaranze ubuzima bwe kandi benshi batamumenyeho ariko turaza no kwitsa ku ruhare rwe muri Jenoside yakorewe abatutsi.iki ni ikiganiro IBYAHISHWE wateguriwe na BIZIMANA Christian naho jye ugiye kukikugezaho ndi Prudence NSENGUMUKIZA.Mbahaye Ikaze. Uyu BAGOSORA Theoneste yavutse tariki ya 16/8/1941 avukira mu cyahoze ari Komine GICIYE muri Perefegitura ya Gisenyi ubu ni mu karere ka Nyabihu mu Ntara y’Iburengerazuba. uyu kandi yarafite umuvandimwe we umwe n’abashiki be bane.uyu BAGOSORA ni umugabo washatse afite umugore ndetse bakaba baranabyaranye abana batari bake kuko bari bafitanye abana umunani gusa nkuko bigaragara mu nyandiko ikubiyemo ibyurubanza rwe yo mu rukiko mpuzamahanga mpanabyaha rwashyiriweho u Rwanda ruba I Arusha yanditswe mu mwaka 2008 igaragaza ko umwe mu bana be yapfuye azize Impanuka y’imodoka. BAGOSORA yabyirukiye mu Rwanda rwari mu Bukoloni bw’ababiligi ariko aza kubasha kujya mu ishuri aho yize amashuri abanza n’ubundi mu gace yakomokagamo ndetse aza no gukomeza amashuri y’isumbuye mu Iseminari yo ku Nyundo. Akirangiza amashuri yisumbuye yahise yerekeza mu ishuri rya Gisirikare aba ahisemo umwuga atyo. Igisirikare cyari mu mahitamo asumba ayandi ku basore babanyarwanda barimo babyiruka mu myaka ya 1960 ubwo ni mu gihe u Rwanda rwarimo rusohoka mu Bukoloni kuko abasore benshi bo muricyo gihe cye byumwihariko abavukaga mu majyaruguru y’igihugu babibonagamo amahirwe akomeye yo kubona inzira yo kubaho.rero uyu BAGOSORA yinjiye mu ishuri rya Gisirikare mu 1962 ubwo yarafite imyaka 21 y’amavuko ntahandi yerekeje uretse kujya kwiga mu ishuri ry’aba ofisiye bakuru I Kigali(Ecole d’Officiers de Kigali) nyuma ryaje kwitwa ( Ecole Superieure Militarire) ESM. Aha rero yaharangije mu mwaka wa 1964 afite ipeti rya Sous Lieutenant akirangiza ishuri yahise yoherzwa gukorera ku Kibuye nk’umuyobozi w’itisnda ry’abasirikare mu matsinda yakoreraga muri ako gace (Platoon Commander) ariko aho ntiyahatinze kuko yahise yimurirwa I Nyanza ndetse nyuma anajyanwa I Butare. Mu 1965 yahawe kujya mu mahugurwa ya Gisirikare mu Bubiligi maze avayo mu 1966 ahita yoherezwa gukorera mu Ruhengeri ariko ntiyahatinze kuko aho yahise azamurwa agahabwa kuyobora ikigo cya Gisirikare cya Gako n’inshingano yakoze kuva mu kwezi kwa gatandatu kugeza mu kwa cumi na biri mu mwaka wa 1966.aho yahavuye ajya kuyobora ikigo cya Gisirikare cy’I Butare aho yamaze umwaka wose wa 1967 muri uyu mwaka mu kwezi kwa kane nibwo yazamuwe ashyirwa ku ipeti rya Lieutenant. Aha I Butare naho yarahavanwe maze yoherezwa kuyobora ikigo cya Gisirikare cya Cyangugu aho yamaze umwaka umwe n’Igice.ubwo byari bigeze mu mpera z’umwaka wa1969 noneho yavanywe I Cyangugu agirwa umuyobozi w’ikigo cy’imyitozo cya Kanombe ayobora iki kigo cy’imyitozo nibwo mu mwaka wa 1970 yagizwe Capitain mu ngabo z’u Rwanda . Mu mwaka wa 1972 noneho BAGOSORA yagizwe umuyobozi w’ingabo muri Kigali.izi nshingano yazimazeho umwaka umwe ahita agirwa umuyobozi mukuru wa Military Police mu 1973 aho inshingano z’ibanze z’iri shami mu Gisirikare biba ari ukugenzura Ikinyabupfura cyabasirikare.uyu mwanya yawugumyeho kugeza mu 1980. Gusa na none mu mwaka wa 1973 Theoenste BAGOSORA Theoneste yashyigikiye bikomeye mwene wabo bakomokaga hamwe mu Bushiru ku Gienyi ariwe Jenerali Majoro Yuvenal HABYARIMANA mu migambi yo guhirika ubutegetsi yakozwe tariki 5/7/1973 ubwo HABAYARIMANA afashijwe n’abasirikare bakuru icumi nawe wa cumi n’umwe biyise Inshuti z’uwagatanu Nyakanga bahirikaga kubutegetsi Perezida KAYIBANDA Geregori .ubwo kuva icyo gihe rero ubutegetsi bwahise bujya mu maboko yabiyitaga abahutu b’abakiga bo mu majyaruguru maze BAGOSORA nawe atangira gukomera buhoro buhoro. hagati aho mu gihe yayoboraga ishami rya Military Police BAGOSORA yazamuwe mu ntera mu mapeti ubwo mu mwaka wa 1977 yagirwaga Majoro. #IntsinnziTV #TheonestBagosora #Genocide NIBA UKUNDA IBIGANIRO BYACU KORA SUBSCRIBE