《你叫咩名？》What's Your Name? - 毛啦啦 Molala 廣東話手偶劇場 Cantonese Puppet Show скачать в хорошем качестве

《你叫咩名？》What's Your Name? - 毛啦啦 Molala 廣東話手偶劇場 Cantonese Puppet Show

《你叫咩名？》What's Your Name? 劇本：山有文西、康文 配音： 報喜 - 山有文西 （IG: @simpleshot.simplelife） 虎斑 - Elaine 瑢瑢 （IG: @elainelhy_） 旁白 - 康文 特別鳴謝：GreenPhil 境林芳（IG: @greenphil_tree.garden） 公仔製作：呂雙林 製作：康文 音樂：Music for Bugs - Butterfly by Camiidae ‪@camiidae‬    • music for bugs - butterfly   粵拼字體：Visual Fonts 是像字體（歡迎大家到 https://visual-fonts.com/ 了解呢套有粵拼嘅字體！） 註釋： 1. 㗏（⿰口歪）/歪： 歪，係一隻訓讀字，借用一個讀音唔同，但字義相同嘅字。呢度特意改用「㗏」，喺想反映返me²同waai¹兩個截然不同嘅讀音。至於點解認為兩個讀音唔互通，唔應該擺喺同一隻漢字，在於佢哋某啲用法只係適合用其中一個讀音，唔見得係完全互通。例子包括：走上咗一條歪waai¹路（甚少會講me²，me²似乎係講緊物理上有一條路真係㗏咗。），㗏me²嚟㗏me²斜（基本上唔會聽到waai¹呢個讀音。）。同樣地，擰㗏me²面亦都唔會聽見人講擰歪waai¹面。好明顯地，廣東話母語者都自己知道兩個讀音用法有唔同。 明白之前有人提出過「竵」呢個生僻字，於我而言有啲過為生僻，大眾未必咁接受到，而且同樣出現me²同waai¹兩個讀音並存嘅情況，唔能夠好好地進行分辨。我都只係喺度提出一個更加容易實現日常使用嘅字，普及與否就視乎大家作為母語者點樣去寫嘞！ 2. 𢝄（⿰忄叚）/蝦： 大家可能都留意到，我呢條片冇用到大家常用嘅用字「蝦」。「蝦」本身係一隻假借字，借用咗同音字嚟寫一個本身無字可寫嘅字詞。對於我嚟講，「蝦」就係一種海洋生物嘅名，長久一直借用落去，唔見得係一個最佳做法。試想像吓同小朋友解釋漢字嘅時候，解釋「虫」究竟同恰人有咩關連，恐怕大家都冇一個好嘅講法，一切源於約定俗成。所以呢度參考而家目前常見又意思相近嘅字，「恰」（hap¹），將「蝦」呢個假借字改咗做豎心邊，咁啱呢個字本身Unicode就有，唔怕打唔出，同時亦唔見得喺漢字圈裏面用到，所以好適合用嚟表達呢個意思。