گِيرَّا مُورْ گِيرَّا скачать в хорошем качестве

گِيرَّا مُورْ گِيرَّا

دَقَّه مْنْ مُورْ دَقَّه، وَ لَا مَرَّه حَطِّيتْ لَعْلَامْ، عْقَابِي فَالْجْبَالْ، وُ طْرِيقْ الشُّوكْ، دِيمَا نْزِيدْ لَلْگُدَّامْ، گِيرَّا مْنْ مُورْ گِيرَّا، وَ لَا مَرَّه حَطِّيتْ السّْلَاحْ، الْعْدُو يْجِيكْ بَايْنْ، وُ لِّي يْحْفَرْ، وُ لِّي بَاغِي لِيكْ الذّْبَّاحْ، يُومْ مْنْ مُورْ يُومْ، هَازّْ الْحْمْلْ عْلَى زُوجْ الْكْتَافْ، مْنْ شَدَّتْ ثَقْلُو، مَقْطُوعَا النّْفْسْ، وُ عَمّْرُو مَا بْغَا يَخْفَافْ، مْنِينْ تّْزَادْ وُ نْتَا تْشُقّ فَالطّْرِيقْ، وُ عَمّْرْكْ تَحْلَمْ تَرْتَاحْ، عْنْدَاكْ يَا الْغَافْلْ تَرْخِي الذَّرْعِينْ، رَاهْ يِضَرْبُوكْ لَرْيَاحْ، تَلْقَى رَسَكْ فَالْدّْرُوبْ تَايَِهْ، لَا كْرِيمْ لَا رْحِيمْ يِنَصْرَكْ، ثَبَّتْ فْطْرِيقْ الْعُوقَالَا، وُ اعْتَازْلْ كُلّْ مَا يْضُرّْكْ، گَالُوهَا زْمَانْ نَاسْ الْغِيوَانْ، عِيشْتْ الذّْبَّانَا فَالْبْطَانَا، عْقُدْ مْعَانَا رَاسْكْ، حْفَرْ وُ غَزَّزْ الصّْخَرْ وُ الصّْبَرْ دْوَانَا، هَادِي حَالْ الدُّنْيَا الْفَانِيَه مْنْ إِيَّامْ الْجْدُودْ اللّْوَالَا، لِّي عَرْفُو بْحَقّْهَا، صَبْرُو وُ قَدْرُو عْلَى هَادْ الْحَالَه. خَلِّيكْ مْنْ الرّْبَاحْ السَّاهْلْ، مَا يْغُرَّكْ ضَيُّو فَاللِّيْلَه، رَاهْ إِبْلِيسْ يِزِيَّنْ لِيكْ الْخُسْرَانْ، وُ يِقَنْعْكْ بْشْلَّا حِيلَه. بْنادمْ غِيرْ دَايْرْ طَلَّا فْدَارْ الشَّقَاء، وُ دَايْزْ فْحَالُو، آشْ وَخَّرْ لِلسُّؤَالْ، فَاشْ يْتْحَاسْبْ عْلَى فَعْلُو وُ مَالُو.